ஆண்டவர் இயேசுவே,
ஊழி ஊழியுள்ள காலமாய் எமக்கு ஆசி வழங்கும் இறைவனே! என் நெஞ்சார உம்மை துதித்திடுவேன். நிலையான வாழ்வை தருபவரே! உம்மை புகழுகின்றேன். பாவி நான் உமது நிலையான அன்பை பெற கிருபை கூர்ந்து நடத்துகின்றீரே! நன்றி கூறுகின்றேன். “உன்னைப் படைத்தவரை உன் இளமைப் பருவத்தில் மறவாதே; 'வாழ்க்கை எனக்கு இன்பம் தரவில்லையே' என்று நீ சொல்லக்கூடிய துயர நாட்களும், ஆண்டுகளும் வரும் முன் அவரை உள்ளத்திலே நினை.” என்று இற்றைய இறைவார்த்தையின் மூலமாய் உன்னதமான அறுவுரை தரும் இறைவா! நான் உம்மில் நிலைத்து வாழவும்; உமக்கு அஞ்சி , உமது தெய்வீக கட்டளைகளை மனதில் இருத்தி வாழ இந்த பாவியான இளைஞனுக்கு ஆற்றல் தாரும். இளைஞன் நான், உமது திருச்சட்டத்தை கடைப்பிடித்தால் அன்றோ என் நடத்தை மாசற்றதாய் இருக்கும்; உமது வழியை எனக்கு கற்பியும், அதை நாடி தேட மெய் உணர்வு தாரும். உமது பார்வையில் உமது முற்றத்தில் ஒரு நாள் வாழ்ந்திட அருள் தாரும். ஏனெனில் உமக்குரிய ஒரு நாள் ஆயிரம் நாட்களை விட மேலானதையா. இளைய பருவத்தில் உம்மை அதிகமாய் வாஞ்சிக்கவும்; அதனால் உமது தெய்வீக அன்பில் நிலைத்து வாழவும் வரம் தாரும். ஆண்டவரே இயேசுவே! இன்றை நாளில் என்னை வழிநடத்தும் என் இளமை பருவத்தில் உம்மை தேடி அடையவும்; உமது ஆசீர்வாதங்களை பெற்று முன்மாதிரியான பிள்ளையாக வாழவும் என்னை மாற்ற வேண்டும் என்று இயேசுவின் பரிசுத்த நாமத்தால் செபிக்கின்றேன். ஆமென்