திருவழிபாடு ஆண்டு - C

அன்னை கன்னிமரி - இறைவனின் தாய் - புத்தாண்டுப்பெருவிழா

(இன்றைய வாசகங்கள்: எசாயா 60:1-6, எபேசி 3:2-3, 5-6, மத்தேயு 2:1-12)

/> /> /> /> /> /> /> /> /> />

திருப்பலி முன்னுரை - 1

இறைமகன் இயேசுவில் அன்புள்ள சகோதரர்களே சகோதரிகளே, அனைவருக்கும் திருக்காட்சிப் பெருவிழாவின் வாழ்த்துக்களைக்கூறி மகிழ்கிறேன். உலக மக்களை மீட்க இறைமகன் இயேசு மனிதனாகப் பிறந்து வந்ததை உலக மக்களுக்கு அறிவிக்க இறைவன் ஓர் அருமையான ஏற்பாட்டை ஏற்படுத்தியிருந்தார். அதைத்தான் திருக்காட்சிப் பெருவிழா எனக் கொண்டாடுகிறோம்.

ஆண்டவரின் திருக்காட்சி பெருவிழா திருப்பலியை கொண்டாட உங்கள் அனைவரையும் அன்புடன் அழைக்கிறோம். உலக செல்வங்களை விட மேலான செல்வமாகிய இறைவனில் மகிழ்ச்சி காண இன்றைய திருவழிபாடு நமக்கு அழைப்பு விடுக்கிறது. யூதர்கள் அறிந்துகொள்ளாத அரசர் இயேசுவின் பிறப்பை, விண்மீனின் அடையாளத்தைக் கொண்டு கிழக்கத்திய ஞானிகள் அறிந்து கொள்கிறார்கள். குழந்தை இயேசுவின் மேன்மையை உணர்ந்தவர்களாய் அவரைக் கண்டு வணங்கச் செல்கிறார்கள். அனைத்துலகின் அரசராம் இறைவனே, மனிதராக பிறந்திருப்பதை அறிந்து அவருக்கு பொன்னும், சாம்பி ராணியும், வெள்ளைப்போளமும் காணிக்கையாக அளிக்கிறார்கள். அந்த ஞானிகளைப் போன்றே, நாமும் அனைத்துக்கும் மேலாக ஆண்டவருக்கு பணிவிடை செய்யும் மன நிலையைப் பெற்று வாழும் வரம் கேட்டு, இந்த திருப்பலியில் பங்கேற்போம்.

திருப்பலி முன்னுரை - 2

இன்றைய சிந்தனை

புது வாழ்வு...

ஆண்டவர் இயேசுவின் அருள் வாக்கு உங்கள் வாழ்வில் விளக்காக இருந்து வெளிச்சம் தந்து, செல்வங்கள் அனைத்தும் தந்து உங்கள் தேவைகள் அனைத்தையும் நிறைவு செய்வதாக. உங்களுக்கு எங்கள் இனிய புத்தாண்டு வாழ்த்துக்கள். இயேசுவின் அன்பு, மகிழ்ச்சி, சமாதானம் என்றும் உங்களோடு இருப்பதாக.

புத்தாண்டு மலர்கிறது. நம் மனங்களில் புத்துணர்வு மலர்கிறது மரியன்னை மடியில் அது தவழ்கிறது. மரியா, இறைவனின் தாய் என்ற உண்மையை இன்று நாம் கொண்டாடுகிறோம். ஏனெனில், கன்னிமரியில் ”காலம்” நிறைவுற்றது (கலா. 4:5) கடவுள் மனிதரானார். எனவே அவர் காலத்தை வென்றவர். அதனால் தான் நிலாவினை கால்மணையாக்கி கம்பீரமாய் காட்சிஆகின்றார் (தி.வெளி. 12:1) ”ஒளி உண்டாகுக” (தொ. நூல் 1:2) என்று கடவுள் சொன்னபோது அவர் நேரத்தைத் தான் படைத்தார் அதுவே முதற்படைப்பு; நமக்கு அவர் நல்கும் முதற்கொடை. அதுதான் மீட்பின் வரலாறாய் நீள்கிறது. கடவுள் ”இப்போது” என்ற நிகழ்காலத்தில் தான் நிறைந்திருக்கிறார். அவரது பெயர்கூட ”இருக்கின்றவர் நானே” (வி.பய. 3:14) என்பதே. இறந்தகாலம் புதைக்கப்பட்டுவிட்டது, பதிர்கலம் இன்னும் பிறக்கவில்லை நிகழ்காலம் மட்டுமே உண்மை நேரம். அதில் முழுமையான இறைவனோடு இணைந்து வாழபவரே வரலாறு படைப்பர்கள். ”மரியா இந்நிகழ்ச்சிகளை எல்லாம் தம் உள்ளத்தில் இரத்தி சிந்தித்துக் கொண்டிருந்தார் என்று லூக்கா நற்செய்தியாளர் எழுதுகின்றார். உதரத்தில் இயேசுவை பத்து மாதம் தாங்கி ஒவ்வொரு மணித்துளியும் கன்னிமைக் குன்றா தாய்மை என்னும் வரலாறு படைத்த அவர் இப்பபோது அவரை உள்ளத்தில் தாங்கி ஒவ்வொறு நிமிடத்தையும் அவரது நினைவால் நிறைக்கின்றார். வொவ்வொறு காலத்துளியும் அருளினை தாங்கி வரும் காலம். அது வெறுமனே கடந்துவிடக்கூடாது. ஒவ்வொறு கனமும் தியானித்து வாழ்பவரே அன்னை மரியைப் போல் அருள் நிறைந்தவர்! அத்தகையோர் வாழ்வே மீட்பின் வரலாறாய் மாறும்!

இறை ஒளி நம் வாழ்வில் வீசுவதாக

புத்தாண்ணட பிறக்கிறது. இவ்வாண்டு வளம் சேர்க்கும் நல்லண்டாய் அமைவதாக! அன்னை மரி வழியாக உலகுக்கு வந்த இயேசுவை விட பெரிய ஆசீர் இவ்வுலகில் ஒருபோதும் இல்லை. ஆண்டவர் தம் திருமுகம் இயேசுவில் தனான் வெளிப்படுத்தப்படுகிறது. இயேசுவையும், மரியாவையும், யோசேப்பையும் கண்டு தரிசித்து கடவுளைப் போற்றி புதழ்ந்து பாடிக்கொண்டே திரும்பிச் சென்ற இடையர்கள் போல, இறைவனைின் திருமுக ஒளியை ஒவ்வெரு நாளும் நம் அன்றாட வாழவின் அனுபவங்களில் நாம் கண்டு மகிழ்ந்து தமாதானத்தை அனுபவிப்போம். இறைவனின் தாயாம் தாய்மரி, இயேசுவோடு இந்த ஆண்டு முழுவதும் நம்முடன் நடப்பார்களாக.

மன்றாட்டு:

அன்புத் தந்தையே இறைவா, உம்மைப் போற்றுகிறோம். நீர் தந்திருக்கிற இந்தப் புதிய ஆண்டு என்னும் கொடைக்காக உமக்கு நன்றி கூறுகிறோம். இந்தப் புதிய ஆண்டில் உமது ஆசிக்காக இறைஞ்சுகிறோம். நாங்கள் தொடங்க விரும்பும் ஒரு நல்ல பழக்கத்தைத் தொடர்ந்து கடைப்பிடிக்க உமது ஆவியின் ஆற்றலை எங்களுக்குத் தந்தருளும்.