வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)



பக்க இலக்கங்களை அழுத்தி எல்லா செய்திகளையும் பார்வையிடவும்


சிறப்புடன் நடைபெற்றது தவசிகுளம் மிருசுவில் காணிக்கை அன்னை ஆலய அபிஷேக விழா, அன்னையின் வருடாந்த திருவிழா!

கடந்த 28/01/2018 அன்று தவசிகுளம் மிருசுவில் புனித காணிக்கை அன்னையின் ஆலயம் புனரமைப்பு செய்யப்பட்டு யாழ் மறைமாவட்ட ஆயர் அதிவந்தனைக்குரிய ஜஸ்டின் பேனாட் ஞானப்பிரகாசம் ஆண்டகை அவர்களினால் திறந்து வைக்கப்பட்டு அபிஷேகம் செய்யப்பட்டது.

இந்நிகழ்வில் கருத்துரை வழங்கிய ஆயர் அவர்கள் ஆயராக பணி ஏற்றபோது விருது வாக்காக எடுத்துக்கொண்ட விடயம் "மரியன்னை மூலம் யேசுவிடம்" அந்த விருது வாக்கிற்கு அமைவாக அன்னையின் அழகிய ஆலயத்தினை அபிஷேகம் செய்து வைப்பதில் மகிழ்ச்சியடைவதாகவும், இறைமகனை தாங்கிய முதல் நற்கருணை பேழை அன்னை மரியாளெனவும் இறைமக்கள் கூடி செபிப்பற்கான தூய்மையான இல்லமே ஆலயம் என்பதாகும் என அன்னை மரியாளின் மாண்பினையும்,ஆலயத்தின் முக்கியத்துவத்தினையும் அழகாக எடுத்தியம்பினார்.

அழகிய ஆலயத்தினைஅமைப்பதற்கு அற்பணிப்புடன் உழைத்த பங்குத் தந்தை, முன்னாள் பங்குத் தந்தை மற்றும் அனைவருக்கும் நன்றி தெரிவித்தார்.
இந்நிகழ்வில் பங்கு மக்கள்,புலம்பெயர் பங்கு மக்கள், அயல்பங்கு மக்கள், அருட் தந்தையர்கள்,அருட் சகோதரிகளென பலரும் கலந்து சிறப்பித்தனர்.

தொடர்ந்து கடந்த 02/02/2018 அன்று அன்னை மரியாள் பாலகன் யேசுவை காணிக்கையாக ஒப்புக்கொடுத்த பாதுகாவலியின் திருவிழாவும் சிறப்பாக கொண்டாடப்பட்டது. இந்நிகழ்விலும் புலம்பெயர் பங்கு மக்கள் உட்பட ஏராளமானோர் கலந்து அன்னை மரியாளின் பரிந்துரையை நிறைவாக வேண்டினர். [2018-02-05 22:52:01]


நமது எதிர்காலத்திற்காக இன்றே தயாராக வேண்டும்

சலேசியன் சபை அருட்பணியாளர்களால் மன்னார் மறை மாவட் டத்தில், முருங்கனில் நடாத்தப்படும் தூய டொன்பொஸ்கோ தொழிற்கல்வி நிறுவன த்தின் பாதுவலர் தூய டொன் பொஸ்கோ திருவிழா இன்று இந் நிறுவனத்தில் இன்று காலை (03.02.2018) சனிக்கிழமை கொண்டாடப்பட்டது,இவ்விழாவிற்கு வருகை தந்த மன்னார் ஆயர் பேரருட்கலாநிதி இம்மானுவேல் பெனாண்டோ ஆண்டகை அவர்கள் பிரதான நுழைவாயில் வைத்து மாணவர்கனின் மேற்கத்திய இசை முழக்கத்துடன் மாணவர்களாலும், அவர்களின் பெற்றோராலும் வரவேற்று அழைத்துச் செல்லப்பட்டார்.

அதன் பின்னர் இந் நிறுவனத்தின் மண்டபத்திலே ஆயர் அவர்களால் திருப்பலி ஒப்புக் கொடுக்கப்பட்டது. அவ் வேளையில் ஆயர் தனது மறையுரையின் போது: இங்கு கல்வி பயிலும் மாணவர்கள் இங்கு வழங்கப்படும் நல் வாய்ப்புக்களைப் பயன்படுத்தி நமது எதிர்காலத்திற்காக இன்றே தயாராக வேண்டுமெனக் கேட்டுக் கொண்டார்.

திருப்பலியைத் தொடர்ந்து மாணவர்களுக்கான சான்றிதழ்களை ஆயர் வழங்கினார். அனைத்து நிகழ்வுகளும் இந் நிறுவனத்தின் இயக்குனர் அருட்பணி போல் அவர்களின் தலைமையில் நடைபெற்றன. [2018-02-04 13:21:59]


மன்னார் தூய மரியன்னை ( தூய காணிக்கை அன்னை) திருவிழா

மன்னார் தூய செபஸ்தியார் பேராலயப் பங்கின், தூய மரியன்னை ( தூய காணிக்கை அன்னை) திருவிழா இன்று காலை (02.02.2018) வெள்ளிக்கிழமை, சிறப்பாகக் கொண்டாடப்பட்டது.காலை 06.45மணிக்கு ஆலய பிரதான நுழைவாயில் வைத்து மன்னார் ஆயர் பேரருட்கலாநிதி இம்மானுவேல் பெனாண்டோ ஆண்டகை அவர்கள் பங்கு மக்கள் முன்னிலையில் பங்குத் தந்தை அருட்பணி.ச.ஜொ.பெப்பி சோசை அடிகளாரால்; வரவேற்க்கப்பட்டார். அதனைத் தொடர்ந்து, இன்றைய திருவிழாவின் ஆரம்ப வழிபாடான மெழகுதிரிகளை ஆசீர்வதிக்கும் நிகழ்வும் மெழுகுதிரிப் பவனியும் நடைபெற்றது. மன்னார் ஆயர் அவர்கள் ஆரம்ப வழிபாடுகளை முன்னெடுத்து மெழுகுதிரிகளை ஆசீர்வதித்து மெழுகுதிரிப் பவனியை ஆரம்பித்து வைத்தார்.

பவனியின் இறுதியில் ஆலய முன்றலில் ஆயரும் திருப்பலி ஒப்புக்கொடுக்கும் குருக்களும் திருப்பலித் திருவுடையணிந்து திருப்பலிப் பீடம் நோக்கி வந்தனர். திருப்பலிப் பீடத்தை வந்தடைந்தவுடன் பீடத்திற்கு முன் ஆயரும், ஏனைய திருப்பலி நிறைவேற்றும் குருக்களும் தமிழ்ப்பாண்டில் ஆராத்தி வரவேற்கப்பட்டனர். அதனைத் தொடர்ந்து ஆன்மிக பிரதிநிதிகள் குத்துவிளக்கேற்றினர்.; தொடர்ந்து ஆயர் தலைமையில் திருவிழாக் கூட்டுத் திருப்பலி ஒப்புக் கொடுக்கப்பட்டது. இன்றைய திருவிழாவற்கான மறையுரையை அருட்கலாநிதி லெறின் டீ றோஸ் கொஸ்தா அவர்கள் வழங்கினார்.

இவ்விழாவிற்கு மன்னார் மாவட்ட மேலதிக செயலர் திருமதி ஸ்ரன்லி டிமெல், மன்னார் பிரதேச செயலர் திரு.ம.பரமதாஸ், மன்னார் நகரசபைச் செயலர் திரு.பிறிற்றே றெஜினோல்ட் ஆகியோர் கலந்து கொண்டனர்.இவ்விழாவில் பெருந்தொகையான இறை மக்கள் கலந்து செபித்தனர். [2018-02-02 19:24:48]


தூய ஆரோக்கிய அன்னை ஆலய அபிசேக திறப்பு விழா நிகழ்வு நானாட்டான்

தூய ஆரோக்கிய அன்னை ஆலய அபிசேக திறப்பு விழா நிகழ்வு நானாட்டான்
நானாட்டான் பங்கில் புதிதாக நிர்மாணிக்கப்பட்டுள்ள தூய ஆரோக்கிய அன்னை ஆலய அபிசேக திறப்பு விழா திருநிகழ்விலும், தொடர்ந்து நடைபெறும் இரவுணவு மகிழ்விலும் கலந்து சிறப்பிக்குமாறு அன்புடன்அழைக்கின்றோம்.
காலம் : 05.02.02018
நேரம் : பி.ப. 17:00 மணி
இறையாசீர் என்றும் உங்களுடன் இருப்பதாக
பங்குத்தந்தை, பங்கு அருட்பணிபேரவை உறுப்பினர்கள், பங்குமக்கள் [2018-02-02 19:21:41]


ஈச்சளவக்கை குழந்தை இயேசு ஆலயத் திருவிழா

விடத்தல்தீவு பங்கின் கிளை ஆலயமாக அமைந்துள்ள ஈச்சளவக்கை குழந்தை இயேசு ஆலயத் திருவிழா இன்று (31.01.2018) புதன்கிழமை காலை நடைபெற்றது. காலை 07.00மணிக்கு திருப்பலி நிறைவேற்றும் குருக்களையும், விடத்தல்தீவில் இருந்து பணி செய்யும் பிரான்சிஸ்கன் சபை அருட்சகோதரிகளையும் கௌரவ சாள்ஸ் நிர்மலநாதன் அவர்களையும், ஏனைய விருந்தினர்களையும் ஆலய மக்கள் வரவேற்றனர்.

அதனைத் தொடர்ந்து திருவிழாத் திருப்பலி நடைபெற்றது. திருப்பலியின் முடிவில் திருவுருவ ஆசீரும் வழங்கப்பட்டது.விடத்தல்தீவு பங்குத் தந்தை அருட்பணி.செல்வநாதன் பீரிஸ் ஆலய அருட்பணிப் பேரவையோடு இணைந்து அனைத்து பணிகளையும் சிறப்பாக ஒழுங்குபடுத்தியிருந்தார். [2018-01-31 23:07:43]


புனித பத்திரிசியார் கல்லூரியின் புதிய அதிபர் அருட்திரு திருமகன் பணி பொறுப்பை ஏற்றுகொண்டார்

புனித பத்திரிசியார் கல்லூரியின் புதிய அதிபராக அருட்திரு திருமகன் அடிகளார் இன்று காலை ஆயர் முன்னிலையில் சத்தியப்பிரமாணம் எடுத்து பணி பொறுப்பை ஏற்றுக்கொண்டார். இந் நிகழ்வு இன்று காலை யாழ்ப்பாண மறைமாவட்டத்தின் புனித மரியன்னை பேராலயத்தில் நடைபெற்றது.இந் நிகழ்வில் புனித பத்திரிசியார் கல்லூரியின் மாணவர்கள் ஆசிரியர்கள் மறைமாவட்ட குருக்கள் பழைய மாணவர்கள் என பலரும் பங்குபற்றினார்கள். காலை 9 மணிக்கு புனித மரியன்னை பேராலயத்தில் யாழ்ப்பாணம் மறைமாவட்ட ஆயர் அருட்கலாநிதி மேதகு ஜஸ்ரின் பேணாட் ஞானப்பிரகாசம் தலைமையில் திருப்பலி ஒப்புகொடுக்கப்பட்டு, திருப்பலி நிறைவில் புதிய அதிபருக்கான பணி பொறுப்பு அவரிடம் ஒப்படைக்கப்பட்டது. திருப்பலியின் முடிவில் புதிய அதிபர் பாடசாலை பான்ட் வாத்திய அணிவகுப்போடு பாடசாலைக்கு அழைத்துவரப்பட்டார். அங்கு அவர் பாடசாலை கொடியை ஏற்றினார். பின்னர் யாழ்ப்பாணம் மறைமாவட்ட குருமுதல்வர் அருட்பணி ஜெபரட்னம் அடிகளாரால் புதிய அதிபர், பாடசாலை அலுவலகத்துக்கு அழைத்து வரப்பட்டு அதிகார பூர்வமாக அதிபருக்குரிய நாற்காலியில் உட்காரவைகப்பட்டு பணி பொறுப்புகள் ஒப்படைக்கப்பட்டது. [2018-01-31 23:01:47]


மாஞ்சோலை வைத்தியசாலையில் புதிய ஆலயம்.

மாஞ்சோலை வைத்தியசாலையில் புதிய ஆலயம். சன.28. முல்லைத்தீவு மாஞ்சோலை வைத்தியசாலையில் அமைந்துள்ள குழந்தை இயேசு ஆலயம் புனரமைக்கப்பட்டு புதிய தோற்றத்துடன் யாழ்ப்பாணம் மறைமாவட்ட ஆயர் அருட்கலாநிதி மேதகு ஜஸ்ரின் பேணாட் ஞானப்பிரகாசம் அவர்களால் 26.01.2018 வெள்ளிகிழமை மாலை 5.00 மணியளவில் அசீர்வதித்து திறந்துவைக்கப்பட்டது. இப்புணரமைப்பு பணியை கூளமுறிப்பு பங்குதந்தை அருட்திரு நிக்சன் கொலின்ஸ் மேற்கொண்டமை இங்கு குறிப்பிடத்தக்கது. [2018-01-29 22:20:28]


முல்லைத்தீவு புனித. இராயப்பர் ஆலய பங்கு பணிமனை திறப்புவிழா.

முல்லைத்தீவு புனித. இராயப்பர் ஆலய பங்கு பணிமனை திறப்புவிழா. சன.28.முல்லைத்தீவு புனித. இராயப்பர் ஆலய பங்கு பணிமனை 26.01.2018 வெள்ளிகிழமை மாலை 4.00 மணிக்கு யாழ்ப்பாணம் மறைமாவட்ட ஆயர் அருட்கலாநிதி மேதகு ஜஸ்ரின் பேணாட் ஞானப்பிரகாசம் அவர்களால் அசீர்வதித்து திறந்து வைக்கப்பட்டது. [2018-01-29 22:19:13]


முல்லைத்தீவு 'தியோகு நகர்' நுழைவாயிலில் புனித யோ சே வாஸ் சுருபம்.

முல்லைத்தீவு 'தியோகு நகர்' நுழைவாயிலில் புனித யோ சே வாஸ் சுருபம். சன.28.முல்லைத்தீவு பங்கின் தியோகு நகர் நுழைவாயிலில் புனித யோசே வாஸ் சுருபம் 20.01.2018 சனிகிழமை மாலை 5.00 மணியளவில் முல்லைத்தீவு பங்குதந்தை அருட்திரு அன்ரன் ஜோர்ச் அடிகளாரால் அசீர்வதித்து திறந்து வைக்கப்பட்டது. [2018-01-29 22:18:29]


#திருப்பாலத்துவசபை #ஞாயிறு #விஷேட #திருப்பலி

பேராலய துணை பங்கு தந்தை லொயிட் அடிகளார் தலைமையில் ஞாயிறு 28.01.2018 காலை 7.30 திருப்பலியின் போது திருப்பாலத்துவ சபை ஞாயிறு விஷேட திருப்பலி சிறப்பிக்கப்பட்டது ,இத்திருப்பலியில் திருப்பாலத்துவ சிறார்களும்,ஊக்குவிப்பாளர்களும் ,பங்கு மக்களும்,கலந்துகொண்டு சிறப்பித்தார்கள் .மறைக்கல்வி நிறைவில் திருப்பாலத்துவ சபை சிறார்களுக்கான விளையாட்டு நிகழ்வுகள் ,மலரும் மொட்டுக்கள் எனும் தலைப்பில் நடைபெற்றது [2018-01-28 14:43:32]


பக்க இலக்கங்களை அழுத்தி எல்லா செய்திகளையும் பார்வையிடவும்