வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)



பக்க இலக்கங்களை அழுத்தி எல்லா செய்திகளையும் பார்வையிடவும்


நற்கருணை வழிபாட்டிலும் தியானத்திலும் ஈடுபட்டனர்.

நேற்று (26.03.2018) திங்கட்கிழமை மாலை மன்னார் தூய செபஸ்தியார் பேராலயத்தில் நடைபெற்ற திருவருட் சாதனங்களுக்குப் பயன்படுத்தப்படும் தூய எண்ணெய் புனிதப்படுத்தும் திருச் சடங்கு முடிவுற்ற பின்னர் மறைமாவட்டத்தில் பணியாற்றும் குருக்கள் மன்னார் ஆயர் இல்லத்தில் ஒன்று கூடி நற்கருணை வழிபாட்டிலும் தியானத்திலும் ஈடுபட்டனர். [2018-03-27 21:33:40]


தூய எண்ணெய் புனிதப்படுத்தும் திருச் சடங்கு

தூய வாரத்தின் திங்கட் கிழமை மாலையில் வழமையாக மன்னார் மறைமாவட்டத்தில் நடைபெறும் திருவருட்சாதனங்க ளுக்குப் பயன்படுத்தப் படும் தூய எண்ணெய் புனிதப்படுத்தும் திருச் சடங்கும், குருக்களுக்கான குருத்துவ அர்ப்பண வாக்குறுதிகளைப் புதுப்பிக்கும் திரு நிகழ்வும் நேற்று (26.03.2018) திங்கட்கிழமை மாலை மன்னார் தூய செபஸ்தியார் பேராலயத்தில் நடைபெற்றது.மன்னார் ஆயர் பேரருட்கலாநிதி இம்மானுவேல் பெனாண்டோ ஆண்டகை அவர்களின் தலைமையில் மன்னார் மறைமாவட்டத்தில் பணியாற்றும் குருக்கள் அனைவரும் ஒன்றிணைந்து திருப்பலியை ஒப்புக் கொடுத்தனர். இவ்வேளையில் குருக்கள் அனைவரும் தமது குருத்துவ அர்ப்பண வாக்குறதிகளைப் புதுப்பித்துக் கொண்டனர்.

இதனைத் தொடர்ந்து திருவருட்சாதன அர்ச்சிப்பக்குப் பயன்படுத்தப்படும் புகுமுக அருட்சாதன ( ஆயத்தக்காரரின்) தூய நெய், நோயாளின் அர்ச்சிப்புத் தூய நெய், கிறிஸ்மா அர்ச்சிப்பு தூய நெய் ஆகியன கத்தோலிக்க திருச் சபையின் திருவழிபாட்டு ஒழுங்கின்படி ஆயர் அவர்களால் அர்ச்சிக்கப்பட்டது. இத் தூய நிகழ்வில் பெருந்தொகையான குருக்கள், துறவிகள், இறைமக்கள் கலந்து செபித்தனர். [2018-03-27 21:31:34]


வெள்ளியில் ஞாயிறு’ திருப்பாடுகளின் காட்சி

கிறிஸ்தவர்களின் தவக்காலத்தில் திருமறைக் கலாமன்றம் தயாரித்து வழங்குகின்ற மாபெரும் அரங்க ஆற்றுகையானயாழ்ப்பாணம் திருமறைக் கலாமன்றத்தின் தவக்கால ‘வெள்ளியில் ஞாயிறு’ திருபாடுகளின் காட்சி இன்று மாலை 6.45 மணிக்கு யாழ்ப்பாணம் மறைமாவட்டத்தின் முன்னாள் ஆயர் மேதகு தோமஸ் சவுந்தரநாயகம் ஆண்டகை அவர்களின் ஆசீர் செய்தியுடன் மன்ற அரங்கில் ஆரம்பமானது.

வியாழன், சனி, ஞாயிறு தினங்களில் மாலை 6.45 மணிக்கு ஆரம்பமாகும் திருப்பாடுகளின் காட்சி வெள்ளிக்கிழமை மட்டும் மாலை 7.30 மணிக்கு ஆரம்பமாகவுள்ளது. பிரமாண்டமான அரங்க அமைப்பு, காட்சியமைப்பு, இசையமைப்பு, ஒலி, ஒளி போன்றவற்றுடன் அரங்கிலும் அரங்கப் பின்னணியிலுமாக இருநூறுக்கும் அதிகமான கலைஞர்கள் இதில் இணைந்துள்ளனர். திருமறைக் கலாமன்ற இயக்குநர் நீ.மரியசேவியர் அடிகளார் திருப்பாடுகளின் நாடகப் பாரம்பரியத்தினை தமிழ் மரபுக்குரிய தனித்துவங்களுடன் வளர்த்து வந்துள்ளார். இயேசுவின் பாடுகள், மரணம், உயிர்ப்பு என்ற மும்மையை மையமாகக் கொண்டு இந்நாடகங்கள் எழுதப்பட்டாலும் அவற்றிற்குள் காலத்திற்கு ஏற்ப பல்வேறு கோணங்களையும் பாடுபொருள்களையும் உட்புகுத்தி இவ் ஆற்றுகைகள் மேடையேற்றப்பட்டுள்ளமை குறிப்பிடத்தக்கது. இவ்வாண்டு மேடையேற்றப்படும் ‘வெள்ளியில் ஞாயிறு’ திருப்பாடுகளின் நாடகத்திற்கான எழுத்துருவை திருமறைக் கலாமன்றத்தின் பிரதி இயக்குநர் யோ.யோண்சன் ராஜ்குமார் எழுதியுள்ளார். ஆண்டுதோறும் திருமறைக் கலாமன்றத்தால் மேடையேற்றப்படுகின்ற திருப்பாடுகளின் காட்சியை பல்லாயிரக்கணக்கான மக்கள் பார்வையிடுகின்றமையும் இலங்கையிலேயே இடம்பெறுகின்ற மிகப்பெரிய அரங்க ஆற்றுகையாக இது அமைகின்றமையும் குறிப்பிடத்தக்க விடயமாகும்.

திருமறைக் கலாமன்ற இயக்குநர் நீ.மரியசேவியர் அடிகளார் திருப்பாடுகளின் நாடகப் பாரம்பரியத்தினை தமிழ் மரபுக்குரிய தனித்துவங்களுடன் வளர்த்து வந்துள்ளார். இயேசுவின் பாடுகள், மரணம், உயிர்ப்பு என்ற மும்மையை மையமாகக் கொண்டு இந்நாடகங்கள் எழுதப்பட்டாலும் அவற்றிற்குள் காலத்திற்கு ஏற்ப பல்வேறு கோணங்களையும் பாடுபொருள்களையும் உட்புகுத்தி இவ் ஆற்றுகைகள் மேடையேற்றப்பட்டுள்ளமை குறிப்பிடத்தக்கது.

இவ்வாண்டு மேடையேற்றப்படும் ‘வெள்ளியில் ஞாயிறு’ திருப்பாடுகளின் நாடகத்திற்கான எழுத்துருவை திருமறைக் கலாமன்றத்தின் பிரதி இயக்குநர் யோ.யோண்சன் ராஜ்குமார் எழுதியுள்ளார். ஆண்டுதோறும் திருமறைக் கலாமன்றத்தால் மேடையேற்றப்படுகின்ற திருப்பாடுகளின் காட்சியை பல்லாயிரக்கணக்கான மக்கள் பார்வையிடுகின்றமையும் இலங்கையிலேயே இடம்பெறுகின்ற மிகப்பெரிய அரங்க ஆற்றுகையாக இது அமைகின்றமையும் குறிப்பிடத்தக்க விடயமாகும். இறைமகன் இயேசு மானிடர் அனைவரினதும் பாவத்தைக் கழுவ அவர் மனிதனாக பிறந்து, பாவ நிவாரணமாக அவர் தன்னையே தற்கொடையாக்கினார். அவரது பாடுகளும், பிறருக்காக தன்னையே அளிக்கும் தற்கொடையான மரணமும், உயிர்ப்பும் மனித வாழ்வியலுக்குரிய மேல் வரிச்சட்டங்கள். அதனை மீளவும் வலியுறுத்தும் படைப்பாக்கமே ‘வெள்ளியில் ஞாயிறு’. [2018-03-27 21:27:18]


சில்லாலை பங்கில் இளையோர் ஒன்றுகூடல்.

சில்லாலை பங்கில் இளையோர் ஒன்றுகூடல். சில்லாலை பங்கு இளையோருக்கான ஒன்றுகூடல் நிகழ்வு 13.03.2018 செவ்வாய்க்கிழமை மாலை சில்லாலை புனித கதிரை அன்னை ஆலயத்தில் நடைபெற்றது. இந்நிகழ்வில் இந்தியாவிலிருந்து வருகைதந்திருந்த சலேசியன் சபையை சேர்ந்த அருட்திரு. ஜார்ச் சின்னப்பன் அவர்கள் தலைமைத்துவம் சம்மந்தமான சிறப்பான களப்பயிற்ச்சியை மேற்கொண்டார். இதில் சில்லாலை பங்கின் ஏனைய ஆலயங்களிலிருந்து 40 ற்கும் அதிகமான இளையோர் பங்குபற்றினர். நிகழ்வின் இறுதியில் சில்லாலை பங்கிற்கான இளையோர் ஒன்றிய செயற்குழு உருவாக்கப்பட்டது. இந்நிகழ்வுகள் சில்லாலை பங்கு தந்தை அருட்திரு அகஸ்டின் தலைமையில் நடைபெற்றது. [2018-03-20 23:56:43]


தாண்டியடி சிலுவைமலை திருச் சிலுவைப்பாதை

தாண்டியடி சிலுவைமலை திருச் சிலுவைப்பாதை பக்தி முயற்சி மட்டு மறைமாநில ஆயர் ஜோசெப் பொன்னையா ஆண்டகை தலைமையில்17.03.2018 அன்று காலை நடைபெற்றது Lenten pilgrim at thaandiyady "SILUVAI MALAI" 2018. Bp.Joseph participated in the Way of the Cross and presided over the Eucharistic Celebration. [2018-03-20 23:56:01]


மன்னார் மறைமாவட்ட குருக்கள், அருட்சகோதரர்கள், கன்னியர்கள், இறைமக்களுக்கு மன்னார் ஆயர் இல்லம் தரும் முக்கிய அறிவித்தல்

கண்டி பிரதேசத்தில் நடைபெற்ற வன்முறை சம்பவங்களை அடுத்து ஜானாதிபதி மைத்திரிபால சிறிசேன அவர்களினால் இன்றுமுதல் தொடர்ச்சியாக 10 நாட்களுக்கு அவசரகால சட்ட அமுலாக்கம் அமுல்படுத்தப்பட்டுள்ளது.
வழமையாக கத்தோலிக்க இறைமக்களாகிய நாம் ஆண்டவர் யேசுவின் பாடுகளை தியானிக்கும் முகமாக மன்னார் மாவட்டத்தில் உள்ள இறைமக்கள் ஒன்று சேர்ந்து பாதையாத்திரையாக கோமரசன் குள திருத்தலத்திற்கு நடைபவனியாக சென்று திருசிலுவைப்பாதையும், அதனை தொடர்ந்து திருப்பலியிலும் கலந்து இறைவேண்டுதல் செய்வது வழக்கமாக காணப்பட்டது.
அவசரகால சட்ட அமுலாக்கம் காரணமாக 07.03.2018 - 09.03.2018 வரை நடைபெறவிருந்த வவுவியா கோமராசன்குளம் பாதயாத்திரை மற்றும் 16.03.2018 அன்று நடைபெறவிருந்த ஒலைத்தொடுவாய் பாதயாத்திரை ஆகியன மன்னார் மறைமாவட்ட ஆயர் பேரருட்கலாநிதி. இம்மானுவேல் பெர்னான்டோ ஆண்டகை அவர்களால் நிறுத்தப்பட்டுள்ளது என்பதனை பங்கு குருக்கள், இறைமக்களுக்கு அறியத்தருகின்றோம்.
இருப்பினும் பாதையாத்திரை நிறுத்தப்பட்டு 09.03.2018 அன்று காலை 10.00 மணிக்கு கோமரசன்குள கல்வாரித்திருத்தலத்தில் திருச்சிலுவைப்பாதையும், திருப்பலியும் மற்றும் 16.03.2018 அன்று காலை 8.30 மணிக்கு ஓலைத்தொடுவாய் கர்த்தர் திருத்தலத்தில் திருச்சிலுவைப்பாதையும் திருப்பலியும் இடம்பெறும் ஏன்பதனையும் அறியத்தருகின்றோம்.
எனவே இந்த கல்வாரி திருப்பலியின் போது இரு மதங்களுக்கும் இடையில் நடைபெறும் முருகல், கலவர நிலைகள் மாற வேண்டும், ஒற்றுமையாகவும், சமாதானமாகவும் வாழ வேண்டி செபிக்கும்படியாக கேட்டுக்கொள்ளப்படுகின்றீர்கள்.
தகவல் - மன்னார் மறைமாவட்ட ஆயர் இல்லம் [2018-03-08 00:01:20]


புனித அந்தோனியார் சிற்றாலையத்திற்கான அடிக்கல் நாட்டி வைப்பு.

04.03.2018 (ஞாயிற்றுக்கிழமை) நேற்றய தினம் பேசாலை பங்கில் அமைந்துள்ள ஒற்றை நாவல் பகுதியில் புனித அந்தோனியார் சிற்றாலையத்திற்கான அடிக்கலினை பேசாலை பங்குதந்தை வண பிதா பெனோ அடிகளாரினால் ஆசீர்வதிக்கப்பட்டு ஆரம்பித்து வைக்கப்பட்டது. இந்த புனித நிகழ்வில் பங்குமக்கள் கலந்து கொண்டமை குறிப்பிடத்தக்கது. [2018-03-06 13:10:08]


சிரேஸ்ட பிரஜைகளுக்கான தவக்காலத் தியானம்

மன்னார் மறைமாவட்ட சிரேஸ்ட பிரஜைகளுக்கான தவக்காலத் தியானம் 28.02.2018 புதன் கிழமை காலை மன்னார் தூய செபஸ்தியார் பேராலய இயேசுவே ஆண்டவர் வழிபாட்டு மண்டபத்தில் நடைபெற்றது.அருட்பணி.றொக்கசன் குரூஸ், அருட்பணி.றஜனிகாந் ஆகியோர் இத் தவக்காலத் தியானத்தை வழங்கினார்கள். மன்னார் மறைமாவட்ட சிரேஸ்ட பிரஜைகள் சமாசத்தின் இலக்குனர் அருட்பண.அல்பன் இராஜசிங்கம் அடிகளார் இத் தியானத்தை ஒழுங்கு படுத்தியிருந்தார்.
இத் தியான வேளையில் மன்னார் மறைமாவட்ட ஆயர் பேரருட் கலாநிதி இம்மானுவேல் ஆண்டகை அவர்கள் வருகை தந்த சிரேஸ்ட பிரஜைகளை ஊக்கப் படுத்தி ஆசீர் வழங்கினார். பெருந்தொகையான மன்னார் மறைமாவட்ட சிரேஸ்ட பிரஜைகள் இத் தியானத்தில் பங்கேற்றனர். [2018-03-01 22:09:45]


கச்சதீவு அந்தோனியார் ஆலய பெருவிழாவில் சிங்கள மொழியில் திருப்பலி!!

கச்சதீவு புனித அந்தோனியார் ஆலய வருடாந்த பெருவிழாவின் போது, தமிழ் மற்றும் சிங்கள மொழிகளில் திருப்பலிகள் ஒப்புக்கொடுக்கப்படவுள்ளதாக யாழ்.மாவட்ட அரசாங்க அதிபர் நாகலிங்கம் வேதநாயகன் தெரிவித்தார்.
எதிர்வரும் 23 ஆம் திகதி கச்சதீவு புனித அந்தோனியார் ஆலய வருடாந்த திருவிழா கொடி ஏற்றத்துடன் ஆரம்பமாகி 24 ஆம் திகதி பெருவிழா திருப்பலி ஒப்புக்கொடுக்கப்படவுள்ளது.
இந்த திருவிழாவின் போது, முதன் முதலாக சிங்கள மொழியில் திருப்பலி ஒப்புக்கொடுக்கப்படவுள்ளது.
இம்முறை காலி மறைமாவட்ட ஆயர் ரேமன்ட் விக்கிரமசிங்க கலந்துகொண்டு சிங்கள மொழியில் திருப்பலி ஒப்புக்கொடுக்கவுள்ளார்.
இம்முறை இலங்கை மற்றும் இந்தியாவில் இருந்து 10 ஆயிரம் பக்தர்கள் கலந்கொள்ளவுள்ளதுடன், சிங்கள மக்களும் அதிகமாக கலந்துகொள்ளும் காரணத்தினால், சிங்கள மொழியில் முதன் முதலாக திருப்பலி ஒப்புக்கொடுக்கப்படவுள்ளன. [2018-02-23 12:59:32]


மன்னாரில் ஆலய சிலைகள் உடைக்கப்படுவதை நிறுத்த நாம் ஒன்றுபட்டு செயல்பட வேண்டும் மன்னார் ஆயர் இம்மானுவேல் வேண்டுகோள்

(செய்தியாளர்) 15.02.2018
மன்னாரில் இந்து ஆலய சிலைகள் உடைக்கப்படுவதை பார்த்துக் கொண்டிருக்க முடியாது. இன்று ஒரு மதத்துக்கு நடைபெற்றால் நாளை இன்னொரு மதத்துக்கு நடைபெறும். அகவே நாம் அனைவரும் ஒன்று சேர்ந்து கைகோர்த்து இதை தடைசெய்ய வேண்டும். இதற்கு மதத் தலைவர்கள் மாத்திரமல்ல இதில் தமது மதங்களைச் சார்ந்த ஒவ்வொருவரும் ஒன்றாக இருந்து செயல்பட வேண்டும். இவ்வாறு செயல்பட்டால்தான் நாம் வெற்றியைக் காணலாம் என மன்னார் மறைமாவட்ட ஆயர் இம்மானுவேல் பெனாண்டோ ஆண்டகை இவ்வாறு தெரிவித்தார்.
மன்னார் மறைமாவட்டத்துக்கு மூன்றாவது மறைமாவட்ட ஆயராக தெரிவு செய்யப்பட்ட ஆயர் மேதகு இம்மானுவேல் பெனாண்டோ ஆண்டகையை மன்னார் மாவட்ட பிரiஐகள் குழுவினர் தங்கள் அலுவலகத்தில் வரவேற்பு நிகழ்வை நடாத்தினர்.

மன்னார் பிரiஐகள் குழுத் தலைவர் அருட்பணி ஞாணப்பிரகாசம் அடிகளார் தலைமையில் நடைபெற்ற இவ் நிகழ்வில் மன்னார் மாவட்ட சர்வமதத் தலைவர்கள் மன்னார் மாவட்ட பிரiஐகள் குழு உறுப்பினர்கள், வலிந்து காணாமல் ஆக்கப்பட்டோரின் உறவினர்கள் ஆகியோரும் இதில் கலந்து கொண்டனர்
மன்னார் மறைமாவட்ட ஆயர் இம்மானுவேல் பெனாண்டோ ஆண்டகை இங்கு தொடர்ந்து உரையாற்றுகையில்
இவ்வளவு காலமும் நீங்கள் உங்கள் உறவுகளை தேடித் திரிந்தாலும் நீங்கள் பலவிதமான முயற்சிகளை எடுத்தாலும் இன்னும் உங்கள் உறவுகளை கண்டுபிடிக்க இயலாமையைக் கண்டு நான் வருந்துகின்றேன். நானும் உங்களுடன் சேர்ந்து இறைவனிடம் வேண்டுகின்றேன். இப்படியாக கயவர்களினால் உங்களிடமிருந்து கொண்டு சென்ற உறவுகள் உயிர்கள் கிடைக்க வேண்டும் என்று நான் தொடர்ந்த பிரர்த்திபேன

நான் மன்னாருக்கு ஆயராக பொறுப்பேற்ற பின் மன்னார் மாவட்டத்தில் ஒரு பிரiஐகள் குழு இயங்குவதாக அறிந்தபொழுது உங்களை சந்திக்க வேண்டும் என ஆவலாக இருந்தேன்.
நான் பிரிதொரு நாளில் இங்கு வந்து சந்திப்பதற்கான ஏற்பாடுகளை மேற்கொண்டிருந்தபொழுதும் நீங்கள் இன்று (நேற்று 15) என்னை இங்கு வரவழைத்து எல்லோரும் இன மத பேதமின்றி கலந்து கொண்டு என்னை கௌரவித்தமைக்கு நன்றியுள்ளவனாக இருக்கின்றேன்.
நீங்கள் இங்கு தெரிவித்தது போன்று முன்னாள் மன்னார் மறைமாவட்ட ஆயர் இராயப்பு யோசேப்பு ஆண்டகை மக்களுக்கு சேவை செய்ய வேண்டுமானால் இப்படியான ஒரு குழு அமைந்திருக்க வேண்டும் என எண்ணி செயல்பட்டு வந்தார்.
இதற்காக அவர் ஆற்றிய பணிகளை நான் நன்கு அறிவேன். ஆவரின் இச் செயலுக்காக நாம் இறைவனுக்கு நன்றியும் கூறியும் நிற்கின்றோம். அத்துடன் மன்னார் மாவட்டத்தில் பிரiஐகள் குழு இருப்பது எவ்வளவு முக்கியம் என்பதையும் நான் இங்கு உணரக்கூடியதாக இருக்கின்றது.

நீங்கள் இங்கு ஆற்றிய உங்கள் பணித் தொகுப்பிலிருந்து மன்னார் மாவட்ட பிரiஐகள் குழு பலதரப்பட்ட பணிகளை மேற்கொண்டு வருவதையும் காணக்கூடியதாக இருக்கின்றது.
உங்களில் பலர் பலவிதமான பணிகளில் ஈடுபட்டுக் கொண்டிருக்கின்றீர்கள். மக்களுக்காக மக்களின் உரிமைகளுக்காக நீங்கள் எப்படி முன்வந்து செயல்பட்டிருக்கின்றீர்கள் என்பதையும் இங்கு பார்க்கக் கூடியதாக இருக்கின்றது.
ஆகையினால் உங்களின் செயல் திட்டங்களுக்கும் நீங்கள் ஆற்றிவந்த பணி அனைத்துக்கும் நான் உங்கள் அனைவரையும் பாராட்ட விரும்புகின்றேன். அத்தோடு காணாமல் ஆக்கப்பட்டோருக்காக நீங்கள் உங்களால் இயன்றதை செய்து வருகின்றீர்கள். அவர்களின் குடும்ப உறவுகளுக்காகவும், உங்களால் இயன்றதை செய்வதைக் காண்கின்றேன். அது காணாமல் ஆக்கப்பட்டோர், குடும்பங்களின் எத்தனையோர் மத்தியில் நிலவும் கண்ணீர், கலக்கம், பாடுகள் போன்ற அனுபவத்தில் இவர்கள் வாழ்கின்றார்கள். இதை நான் இன்று (நேற்று) உங்கள் மத்தியில் நிற்கின்றபோது உணர்கின்றேன். நான் மன்னார் மறைமாவட்ட ஆயர் என்ற வகையில் என்னால் இயன்ற உதவிகளை செய்வதற்கு தயாராக இருக்கின்றேன் என்பதை உங்களுக்கு இங்கு வாக்குறுதி தருகின்றேன். இவ்வளவு காலமும் நீங்கள் உங்கள் உறவுகளை தேடித் திரிந்தாலும் நீங்கள் பலவிதமான முயற்சிகளை எடுத்தாலும் இன்னும் உங்கள் உறவுகளை கண்டுபிடிக்க இயலாமையைக் கண்டு நான் வருந்துகின்றேன். நானும் உங்களுடன் சேர்ந்து இறைவனிடம் வேண்டுகின்றேன். இப்படியாக கயவர்களினால் உங்களிடமிருந்து கொண்டு சென்ற உறவுகள் உயிர்கள் கிடைக்க வேண்டும் என்று நான் தொடர்ந்த பிரர்த்திபேன். இன்றைய தினத்தில் வௌ;வேறு மதத் தலைவர்கள் இங்கு உரையாற்றினார்கள். இவ்வாறாக அனைத்து தலைவர்களுடன் சேர்ந்து செயல்படும்போது அதில் ஒரு சிறப்பு உண்டு.
நாம் பிரiஐகளின் பொது விடயங்களுக்காக உரிமைகளுக்காக செயல்படும்போது ஒற்றுமை அவசியமாக இருக்க வேண்டும். ஆகவே பிரiஐகள் குழு என்கின்றபோது எல்லா மதத் தலைவர்களும் இணைந்து செயல்படுவது அவசியமானது. ஒரிரு தினங்களுக்கு முன் மன்னாரில் இந்து சமயத்தின் சிலைகள் உடைக்கப்பட்டன. இதற்காக பலர் ஒன்றுகூடி பொலிசாருடன் சேர்ந்து இது தொடர்ந்து நடைபெறாவண்ணம் இருக்க ஆலோசனை மேற்கொண்டதையிட்டு நான் மகிழ்ச்சி அடைகின்றேன்.
நாம் இந்த மாவட்டத்தை நோக்கம்போது இன்று ஒரு மதத்துக்கு நடைபெற்றால் நாளை இன்னொரு மதத்துக்கு நடைபெறும். அகவே நாம் அனைவரும் ஒன்று சேர்ந்து கைகோர்த்து இதை தடைசெய்ய வேண்டும்.
இதற்கு மதத் தலைவர்கள் மாத்திரமல்ல இதில் தமது மதங்களைச் சார்ந்த ஒவ்வொருவரும் ஒன்றாக இருந்து செயல்பட வேண்டும். இவ்வாறு செயல்பட்டால்தான் நாம் வெற்றியைக் காணலாம். நானும் இந்த பிரiஐகள் குழுவுடன் இணைந்து இவ் வாழ் மக்களின் நலனுக்காக நல்ல செயல்களை செய்ய எதிர்பார்த்துக் கொண்டிருக்கின்றேன். இதற்கு இறை ஆசீரை நாம் வேண்டி நிற்போம். இறைவனின் துணையினால் நாம் பல வெற்றிகளைக் காணலாம். ஆத்துடன் இறையாசீர் ஒவ்வொருவருக்கும் கிடைக்க வேண்டி நிற்கின்றேன் என்றார். (வாஸ் கூஞ்ஞ) [2018-02-23 12:58:43]


பக்க இலக்கங்களை அழுத்தி எல்லா செய்திகளையும் பார்வையிடவும்