வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)



பக்க இலக்கங்களை அழுத்தி எல்லா செய்திகளையும் பார்வையிடவும்


வவுனியா இறம்பைக்குளம், புனித அந்தோனியார் திருவிழா

ஆனி மாதம் 13ம் திகதி புனித அந்தோனியாரின் திருவிழா உலகெங்கும் கொண்டாடப்பட்ட நிலையில் வவுனியா இறம்பைக்குளம், புனித அந்தோனியார் ஆலயப் பங்கு மக்கள் தங்கள் பாதுகாவலராம் புனித அந்தோனியாரின் திருவிழாவை ஆன்மிக செழுமையோடு கொண்டாடி மகிழ்ந்தனர். ஆனி மாதம் 13ம் திகதி புனித அந்தோனியாரின் திருவிழா உலகெங்கும் கொண்டாடப்பட்ட நிலையில் வவுனியா இறம்பைக்குளம், புனித அந்தோனியார் ஆலயப் பங்கு மக்கள் தங்கள் பாதுகாவலராம் புனித அந்தோனியாரின் திருவிழாவை ஆன்மிக செழுமையோடு கொண்டாடி மகிழ்ந்தனர்.
பங்குத் தந்தை அருட்பணி.ம.ஜெயபாலன் அடிகளாரின் தலைமையில் நடைபெற்ற இவ்விழாவில் கண்டி அம்பிட்டிய தேசிய குருமட மெய்யில் துறை இயக்குனர் அருட்பணி.பி.கிறிஸ்துநாயகம் அடிகளார் திருவிழாத் திருப்பலியை தலைமையேற்று ஒப்புக் கொடுத்தார்.

இவ்விழாவில் பல அருட்பணியாளர்களும், துறவிகளும், பெருந்தொகையான இறைமக்களும் கலந்து இறையருள் பெற்றனர். திருவிழாத் திருப்பலி முடிவில் புனித அந்தோனியாரின் திருவுருவப் பவனியும், ஆசீரும் இடம்பெற்றது. [2019-06-27 12:06:43]


குருத்துவ அருட்பொழிவு நிகழ்வு 23.05.2019

மன்னார் மறைமாவட்ட தியாக்கோன் அருட்சகோதரர்கள் 4 பேர் இன்று மன்னார் மறைமாவட்ட ஆயர் ஆண்டகை அவர்களினால் குருத்துவ அருட்பொழிவு செய்து இன்றில் இருந்து குருக்களாக திருநிலைப்படுத்தப்பட்டுள்ளார்கள் என்பதனை கத்தோலிக்க இறைமக்களுக்கு மகிழ்ச்சியோடு அறியத்தருகின்றோம்.
அத்தோடு இந்த குருக்களை ஈன்றெடுத்து கடவுளுக்கு அர்ப்பணித்த அன்பான பெற்றோர்களுக்கும், இவர்களை பாடசாலைகளில் உருவாக்கிய ஆசிரியர்களுக்கும், குருமடத்திற்கு செல்லுவதற்கு ஆயத்தம் செய்த பங்கு குருக்களுக்கும், விசேட விதமாக குருமட அதிபர்கள், அருட்தந்தையர்கள், அருட்சகோதரர்கள், கன்னியர்கள், அனைவருக்கும் எமது மனம் நிறைந்த நன்றிகள் உரித்தாகட்டும்.
அத்தோடு இந்த குருக்கள் தங்களின் பணி வாழ்வில் இறைபணியுடன், பொது பணிகளிலும் முன்நின்று மக்களோடு மக்களாக செயற்படவும் உடல் நல சுகபலத்துடன் பணியாற்றவும், ஆண்டவர் இவர்களோடு இருந்து பணியாற்றவும் வேண்டும் என்று மன்னார் மறைமாவட்ட ஆயர், குருக்கள், கன்னியர்கள், அருட்சகோதரர்கள், பொது நிலை பணியாளர்கள், இறைமக்கள் சார்பாக இறையசீர் கூறி நல் வாழ்த்துக்களை தெரிவித்து நிற்கின்றோம். [2019-05-28 13:10:34]


இலங்கையின் முதல் ஆண் துறவியாக தனது முதலாவது நித்திய வாக்குதத்தத்தை...

தூய. கார்மேல் சபையின் இலங்கையின் முதல் ஆண் துறவியாக தனது முதலாவது நித்திய வாக்குதத்தத்தை பிலிப்பைன்ஸ் நாட்டில் பெற்றுக்கொண்ட மன்னார் மறை மாவட்டம் சிலாபத்துறை பங்கின் கொக்கு படையான் கிராமத்தை சேர்ந்த செபஸ்தியாம்பிள்ளை டிலோஷன் அவர்களுக்கு எமது வாழ்த்துக்களும்,செபங்களும் உரித்தாகுக.. [2019-05-28 13:09:29]


குண்டுவெடித்த அதே தேவாலயத்தில் இன்று கதறியழுத உறவுகள்!

கடந்த 21 ஆம் திகதி உயிர்த்த ஞாயிறு தினத்தை கிறிஸ்தவர்கள் தேவாலயங்களில் கொண்டாடி திருப்பலிப் பூசை வழிபாடுகளில் ஈடுபட்டிருந்த வேளை, 3 தேவாலயங்களில் தற்கொலைத் தாக்குதல் மேற்கொற்கொள்ளப்பட்டது.

இந்நிலையில் நீர்கொழும்பு கட்டான கட்டுவாப்பிட்டிய சென். செபஸ்டியார் ஆலயத்தில் இடம்பெற்ற தற்கொலைக்குண்டுத் தாக்குதலில் உயிரிழந்தோரின் இறுதி நல்லடக்க ஆராதனைகள் இன்று அதே தேவாலயத்தில் இடம்பெற்றது.
அந்த தற்கொலைத் தாக்குதலில் உயிரிழந்த அப்பாவிப் பொதுமக்களின் நல்லடக்க ஆராதனை வழிபாடுகள் நீர்கொழும்பு கட்டுவாப்பிட்டிய ஆலயத்தில் இடம்பெற்ற நிலையில் அப்பகுதியெங்கும் பெரும் சோகத்தில் மூழ்கியுள்ளது.

இதன் போது அங்கு பலத்த பாதுகாப்பு போடப்பட்டதுடன் குறித்த ஆலயப் பகுதியெங்கும் மக்களின் கண்ணீர் வெள்ளத்தில் சோகக் காடாக கட்சியளித்தது. [2019-04-23 11:12:24]


வவுனியாவில் மததலங்களில் குவிக்கப்பட்டுள்ள படையினர்!

இலங்கையில் நேற்று இடம்பெற்ற குண்டுவெடிப்புக்களை அடுத்து வவுனியாவில் உள்ள கிறிஸ்தவ ஆலயங்கள் மற்றும் பள்ளிவாசல்களில் பொலிஸார் மற்றும் இராணுவத்தினர் பாதுகாப்பு கடமையில் ஈடுபட்டு வருகின்றனர்.

கொழும்பிலும் மட்டக்களப்பிலும் ஏற்பட்ட குண்டு வெடிப்பு சம்பவத்தில் உயிரிழந்தவர்களின் எண்ணிக்கை 290 ஆக அதிகரித்துள்ளதாக அதிர்ச்சிகர தகவல் வெளியிடப்பட்டுள்ளது. அத்துடன் 500 இற்கும் மேற்பட்டோர் காயமடைந்தும் உள்ள நிலையில் மதஸ்தலங்களை பாதுகாக்கும் பொருட்டு தேவாலயங்களிலும், பள்ளிவாசல்களிலும் நேற்று ஞாயிற்றுக்கிழமை முதல் பாதுகாப்பு பலப்படுத்தப்பட்டிருந்தது. இந்நிலையில் நேற்று மாலையில் இருந்து இன்றும் இராணுவத்தினர் பாதுகாப்பு கடமையில் ஈடுபட்டுள்ளனர். [2019-04-22 14:20:48]


யாழ்.பல்கலையில் சுடரேற்றி அஞ்சலி!

நாட்டில் நேற்று ஞாயிற்றுக்கிழமை நடாத்தப்பட்ட தொடர் குண்டுவெடிப்பில் உயிரிழந்தவர்களுக்கு யாழ்.பல்கலைக்கழகத்தில் அஞ்சலி செலுத்தப்பட்டது.
யாழ்.பல்கலைக்கழக மாணவர் ஒன்றியத்தில் ஏற்பாட்டில் நடைபெற்ற இவ்அஞ்சலி நிகழ்வில் மாணவர்கள், விரிவுரையாளர்கள் மற்றும் ஊழியர்கள் இணைந்து உயிரிழந்தவர்களுக்கு தீபங்களை ஏற்றி அஞ்சலி செலுத்தியிருந்தனர்.
இதேவேளை நாட்டில் ஏற்பட்ட அசாதாரண சூழ்நிலை காரணமாக பல்கலைக்கழகங்களின் கல்வி சார் நடவடிக்கைகள் மறு அறிவித்தல் வரை இடைநிறுத்தப்பட்டுள்ள நிலையில் யாழ். பல்கலைக்கழகத்தின் நிர்வாகப் பணிகள் தொடர்ந்தும் நடைபெறுவதற்கான நடவடிக்கைகள் மேற்கொள்ளப்பட்டிருப்பதால் ஊழியர்கள் அனைவரையும் நாளை 23 ஆம் திகதி செவ்வாய்க்கிழமை பணிக்குத் திரும்புமாறு துணைவேந்தர் அறிவுறுத்தி உள்ளார் என யாழ். பல்கலைக்கழகப் பதிவாளர் வீ. காண்டீபன் அறிவித்துள்ளார். [2019-04-22 13:41:57]


இலங்கையில் கத்தோலிக்க திருச்சபையின் முக்கிய அறிவிப்பு!

உயிர்த்த ஞாயிறை முன்னிட்டு இல்கையிலுள்ள கத்தோலிக்க தேவாலயங்களில் இன்றைய தினம் இடம்பெறவிருந்த மாலை நேர திருப்பலி பூஜைகள் அனைத்தும் நிறுத்தப்பட்டுள்ளதாக கத்தோலிக்க திருச்சபை அறிவித்துள்ளது.

உலகம் முழுவதும் பரந்துவாழும் கத்தோலிக்கர்களை மாத்திரமன்றி அனைவரையும் பெரும் சோகத்திலும் அதிர்ச்சியிலும் ஆழ்த்தியூள்ள கொழும்பு உட்பட இலங்கையின் பல பகுதிகளில் இடம்பெற்றுள்ள குண்டுத் தாக்குதல்களை அடுத்து இந்த நடவடிக்கை எடுக்கப்பட்டுள்ளது.

கத்தோலிக்கர்களின் மிக முக்கிய நாள்களில் ஒன்றான இன்றைய தினம் உயிர்த்த ஞாயிறை முன்னிட்டு ஏராளமான கத்தோலிக்கர்கள் இன்றைய தினம் காலை திருப்பலிகளில் ஈடுபட்டிருந்த நிலையில் அவர்களை இலக்கு வைத்து ஏப்ரல் 21 ஆம் திகதியான இன்றைய தினம் காலை 8.45 அளவில் கொட்டாஞ்சேனை புனித அந்தோனியார் தேவாலயம், மட்டக்களப்பு சீயொன் தேவாயலம், கட்டுவான தேவாலயங்களில் குண்டுத் தாக்குதல்கள் நடத்தப்பட்டன.

அதேவேளை வெளிநாட்டு சுற்றுலாப் பயணிகள் அதிகமாக தங்கியிருக்கும் இடங்களாக கொழும்பிலுள்ள நட்சத்திர சுற்றுலா விடுதிகளான சங்கிரிலா, சினமன் கிறாண்ட், கிங்ஸ்பெரி ஆகிய நட்சத்திர விடுதிகளிலும் குண்டுத் தாக்குதல்கள் இடம்பெற்றன.
இந்தத் தாக்குதல்களில் 150 க்கும் மேற்பட்டோர் கொல்லப்பட்டதுடன் 400 க்கும் அதிகமானோர் காயமடைந்து வைத்தியசாலைகளில் சிகிச்சைக்காக அனுமதிக்கப்பட்டுள்ளனர்.
இவர்களில் பலரின் நிலமை கவலைக்கிடமாக இருப்பதால் உயிரிழப்புக்களின் எண்ணிக்கை மேலும் அதிகரிக்கலாம் என்றும் அச்சம் தெரிவிக்கபபட்டுள்ளது.

எவ்வாறாயினும் இதுவரை இந்தத் தாக்குதல்களின் சூத்திரதாரிகள் யார் என்பது தொடர்பிலோ அல்லது அதற்கான பின்னணி தொடர்பிலோ இதுவரை எந்தவிதத் தகவல்களும் தெரியாததால், வதந்திகளை நம்ப வேண்டாம் என்று சிறிலங்கா அரச தலைவர் பிரதமர் உள்ளிட்ட அரசாங்கம் நாட்டு மக்களிடம் கோரிக்கை விடுத்துள்ளது.


இந்த குண்டுவெடிப்பில் இறந்தவர்களுக்கும், காயங்களுடன் வைத்தியசாலையில் இருப்பவர்களுக்கும், அவர்களின் குடும்ப உறவினர்களுக்கும் எமது யேர்மன் தமிழ் கத்தோலிக்க ஆன்மீகப் பணியகத்தின் ஆழ்ந்த அனுதாபங்களை தெரிவித்துக்கொள்கின்றேரம். [2019-04-22 13:21:19]


செட்டிகுளம் தூய அந்தோனியார் ஆலயத்தில் திருச் சிலுவைப்பாதைத் தியானம்

நம் ஆண்டவர் இயேசுவின் பாடுகளை நினைவுகூர்ந்து முன்னெடுத்தச் செல்லப்படும் திருச்சிலுவைப்பாதைத் தியானத்தை தூய வெள்ளிக்கிழமையாகிய இன்று செட்டிகுளம் நம் ஆண்டவர் இயேசுவின் பாடுகளை நினைவுகூர்ந்து முன்னெடுத்தச் செல்லப்படும் திருச்சிலுவைப்பாதைத் தியானத்தை தூய வெள்ளிக்கிழமையாகிய இன்று செட்டிகுளம் தூய அந்தோனியார் ஆலயப் பங்கு மக்கள் நடாத்தினர். இன்று காலை 06.30 மணிக்கு செட்டிகுளம் மதவாச்சி பிரதான வீதியில் அமைந்துள்ள தூய யேசேவ்வாஸ் திருவுருவ தலத்திலிருந்து ஆரம்பமான இத் திருச் சிலுவைப்பாதைத் தியானம் செட்டிகுளம் மதவாச்சி பிரதான வீதி வழியாகச் சென்று செட்டிகுளம் தூய அந்தோனியார் ஆலயத்தில் முடிவுற்றது. [2019-04-20 00:32:35]


தூய வியாழன் வழிபாடுகள் நேற்று

கத்தோலிக்க திருஅவை மிகவும் ஆன்மிக உள்ளாழத்தோடு கடைப்பிடித்து வரும் தூய வழிபாட்டு நிகழ்வுகளுள் இன்னுமொரு முக்கிய திருவழிபாடகக் கருதப்படும் தூய வியாழன் வழிபாடுகள் நேற்று 18.04.2019 வியாழக்கிழமை மாலை மன்னார் மறைமாவட்ட பேரருட்கலாநிதி பி.ல.இம்மானுவேல் பெனாண்டோ தலைமையில் மன்னார் தூய செபஸ்தியார் பேராலயத்தில் நடைபெற்றது.

கத்தோலிக்க திருஅவை மிகவும் ஆன்மிக உள்ளாழத்தோடு கடைப்பிடித்து வரும் தூய வழிபாட்டு நிகழ்வுகளுள் இன்னுமொரு முக்கிய திருவழிபாடகக் கருதப்படும் தூய வியாழன் வழிபாடுகள் நேற்று 18.04.2019 வியாழக்கிழமை மாலை மன்னார் மறைமாவட்ட பேரருட்கலாநிதி பி.ல.இம்மானுவேல் பெனாண்டோ தலைமையில் மன்னார் தூய செபஸ்தியார் பேராலயத்தில் நடைபெற்றது.

கத்தோலிக்க திரு அவையின் உன்னத தலைவராம் இயேசு ஆண்டவர் தாம் பாடுபடுவதற்கு முன் தேவ நற்கருணையையும், பணிக்குருத்துவத்தையும் உருவாக்கியதையும், தம் சீடர்களின் பாதங்களைக் கழுவியதையும் இந் நாளில் நினைவு கூர்ந்து கொண்டாடுகின்றது. [2019-04-20 00:28:55]


38வது ஆண்டு நிறைவு விழா

மன்னார் மறைமாவட்டம் உதயமாகி 38வது ஆண்டு நிறைவு விழா மன்னார் தோட்டவெளி மறைசாட்சியர்களின் தூய அரசி திருத்தலத்தில் இன்று 26.01.2019 காலை 07.15 மணிக்கு ஆரம்பமாகியது. இன்றைய திருவிழாவுக்கு திருகோணமலை மறைமாவட்ட ஆயர் பேரருட்கலாநிதி நோயல் இம்மானுவேல் ஆண்டகை அவர்கள் வருகை தந்து சிறப்புத் திருப்பலி ஒப்புக் கொடுத்துச் செபித்தார்.மன்னார் மறைமாவட்டம் உதயமாகி 38வது ஆண்டு நிறைவு விழா மன்னார் தோட்டவெளி மறைசாட்சியர்களின் தூய அரசி திருத்தலத்தில் இன்று 26.01.2019 காலை 07.15 மணிக்கு ஆரம்பமாகியது. இன்றைய திருவிழாவுக்கு திருகோணமலை மறைமாவட்ட ஆயர் பேரருட்கலாநிதி நோயல் இம்மானுவேல் ஆண்டகை அவர்கள் வருகை தந்து சிறப்புத் திருப்பலி ஒப்புக் கொடுத்துச் செபித்தார்.

இன்று காலை இத் திருத்தலத்திற்கு வருகை தந்த ஆயர் பேரருட்கலாநிதி நோயல் இம்மானுவேல் ஆண்டகை அவர்களை திருத்தலப் பிரதான நுழைவாயிலில் வைத்து குருமுதல்வர் அருட்பணி அ.விக்ரர் சோசை, இத்திருத்தல பரிபாலகர் அருட்பணி.டே.அலெக்சாண்டர் சில்வா மற்றும் ஏனைய குருக்கள், துறவிகளால் வரவேற்கப்பட்டு, தோட்டவெளி தூய யோசேவாஸ் மகாவித்தியாலய மாணவர்களின் மேலைநாட்டு மகிழ்வோசையோடு அழைத்து வரப்பட்டார். மன்னார் மறைசாட்சிகளின் 475ம் ஆண்டு மறைசாட்சியத்தின் நினைவாக இவ்வாண்டு இருப்பதால், முதலில் ஆயர் அவர்கள் மன்னார் மறைசாட்சிகளின் கல்லறைக்குச் சென்று அங்கு அமைக்கப்பட்டிருந்த 475ம் ஆண்டு தொடக்க விழா நினைவுப் படிகத்தைத் திரை நீக்கம் செய்து வைத்தார்: அதன் பின் திருவிழாத் திருப்பலியையும் ஒப்புக் கொடுத்தார். இவ்விழாவில் பல அருட்பணியாளர்கள், துறவிகள் , அரச அரச சார்பற்ற பணியாளர்கள், மன்னார் மறைமாவட்டத்தின் பல பங்குகளிலிருந்தும் வந்திருந்த இறைமக்களும் கலந்து கொண்டனர். இவ்வாண்டுக்கான மன்னார் மறைமாவட்டத்தின் அருட்பணி இலக்கான புதுப்பித்தலை அடிப்படையாகக் கொண்ட பங்கின் திட்டங்களை அந்தந்தப் பங்கின் அருட்பணிப் பேரவைச் செயலர்கள் காணிக்கை வேளையில் காணிக்கையாக அர்ப்பணித்தனர்.

இவ்விழாவுக்கான அனைத்து ஒழுங்குகளையும் இத்திருத்தல பரிபாலகர் அருட்பணி.டே.அலெக்சாண்டர் சில்வா அடிகளார் பலருடைய பங்களிப்போடு செய்திருந்தார். [2019-01-30 22:57:11]


பக்க இலக்கங்களை அழுத்தி எல்லா செய்திகளையும் பார்வையிடவும்