வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)



பக்க இலக்கங்களை அழுத்தி எல்லா செய்திகளையும் பார்வையிடவும்


39ம் ஆண்டு நிறைவு விழா

நீண்டதொரு விசுவாசப் பாரம்பரியத்தை தன்னகத்தே கொண்டுள்ள மன்னார் மறைமாவட்டம், தன்னாட்சிப் பணிக்கான ஒரு மறைமாவட்டமாக உருவாக்கப்பட்டதன் 39ம் ஆண்டு நிறைவு விழா நேற்று 2020.01.25 சனிக்கிழமை தோட்டவெளி புனித மறைசாட்சியர் அன்னை திருத்தலத்தில் நடைபெற்றது.

நீண்டதொரு விசுவாசப் பாரம்பரியத்தை தன்னகத்தே கொண்டுள்ள மன்னார் மறைமாவட்டம், தன்னாட்சிப் பணிக்கான ஒரு மறைமாவட்டமாக உருவாக்கப்பட்டதன் 39ம் ஆண்டு நிறைவு விழா நேற்று 2020.01.25 சனிக்கிழமை தோட்டவெளி புனித மறைசாட்சியர் அன்னை திருத்தலத்தில் நடைபெற்றது. நேற்றுக்காலை ஆலயத்தின் நுழைவாயிலில் வைத்து புனித மறைசாட்சியர் அன்னை திருத்தலத்தின் அதிபர் அருட்பணி.டே.அலெக்சாண்டர் சில்வா (பெனோ) அடிகளார் அருட்பணியாளர்கள்,துறவிகள், அரச அரச சார்பற்ற பணி மையங்களின் உயர் நிலைப் பணியாளர்கள், பாராளுமன்ற உறுப்பினர்கள், இறைமக்கள் பிரசன்னமாகியி’ருக்க மன்னார் மறைமாவட்ட ஆயர் பேரருட்கலாநிதி பி.ல.இம்மானுவேல் பெனாண்டோ ஆண்டகை அவர்களை வரவேற்றார்.

தொடர்ந்து தோட்டவெளி புனித யோசேவ்வாஸ் மகாவித்தியாலய மாணவர்களின் மேற்கத்திய இசைக்கருவிகளின் மகிழ்வெலியோடு ஆலயத்திற்கு அழைத்து வரப்பட்டார். தொடர்ந்து ஆயர்கள் அவர்கள் மன்னார் மறைசாட்சிகளின் விதைகுழித் தோட்டத்தில் சில நிமிடங்கள் செபித்தபின் திருப்பலியை ஒப்புக் கொடுத்தார்.

இத் திருவிழாத் திருப்பலியில் மன்னார் மறைமாவட்டக் குருமுதல்வர் அருட்பணி.அ.விக்கரர் சோசை அவர்கள் மன்னார் மறைமாவட்டத்தின் சமகாலத்திற்குரிய அருட்ப்பணித் திட்ட மான புதுப்பித்தலின் முக்கியத்துவம், செயலாக்கம் பற்றிய இறைவார்த்தை விழுமியங்களோடு இணைந்த மறையுரையினை வழங்கினார்.

காணிக்கை வேளை மன்னார் மறைமாவட்டத்தின் அனைத்துப் பங்குச் செயலர்களும், மறைமாவட்டப் பணிக்குழுக்களின் பிரதிநிதிகளும் இவ்வாண்டிற்கான தங்கள் பங்குகளிலும், மறைமமாவட்டப் பணிக்குழுக்களிலும் முன்னெடுத்துச் செல்லவுள்ள புதுப்பித்தல் அருட்பணித் திட்ட முன்மொழிவுகளை ஆயர் அவர்களிடம் காணிக்கையாக ஒப்புக் கொடுத்தனர். [2020-01-30 21:04:08]


அருட்சகோதரி பவுஸ்தினாவின் திருப்பண்டம் மன்னார் மறைமாவட்டத்திற்கு

போலந்து நாட்டின் கிறாக்கோ பகுதியில் அமைந்துள்ள நம் ஆண்டவர் இயேசுக் கிறிஸ்து இறை இரக்கத்தின் பணியை முன்னெடுத்துச் செல்லுமாறு அருட்சகோதரி புனித பவுஸ்தினாவிடம் கேட்டுக் கொண்ட இடத்திலுள்ள ஆலயத்திலிருந்து அருட்சகோதரி பவுஸ்தினாவின் திருப்பண்டம் அருட்பணி லெஸ்லி ஜெகாந்தன் அடிகளாரின் அயரா முயற்சியினால் மன்னார் மறைமாவட்டத்திற்கு எடுத்து வரப்பட்டுள்ளது.

போலந்து நாட்டின் கிறாக்கோ பகுதியில் அமைந்துள்ள நம் ஆண்டவர் இயேசுக் கிறிஸ்து இறை இரக்கத்தின் பணியை முன்னெடுத்துச் செல்லுமாறு அருட்சகோதரி புனித பவுஸ்தினாவிடம் கேட்டுக் கொண்ட இடத்திலுள்ள ஆலயத்திலிருந்து அருட்சகோதரி பவுஸ்தினாவின் திருப்பண்டம் அருட்பணி லெஸ்லி ஜெகாந்தன் அடிகளாரின் அயரா முயற்சியினால் மன்னார் மறைமாவட்டத்திற்கு எடுத்து வரப்பட்டுள்ளது.

இத் திருப்பண்டம் இன்று (01.11.2019) ஞாயிற்றுக்கிழமை காலை 06.00 மணிக்கு மன்னார் புனித செபஸ்தியார் பேராலயத்தில் இடம் பெற்ற அனைத்துப் புனிதர்களின் பெருவிழாத்; திருப்பலியினைத் தொடர்ந்து மன்னார் ஆயரிடம் கையளிக்கப்பட்டது. இத் திருப்பண்டம் இன்று மாலை 03.00 மணிவரை மன்னார் புனித செபஸ்தியார் பேராலயத்தில் இறைமக்களின் பக்தி முயற்சிகளுக்காக வைக்கப்பட்டுள்ளது. [2019-11-02 00:08:31]


மறைவாழ்வுக் கல்விப் பணியாளர்களுக்கான சீருடையும், சான்றிதழும் வழங்கும் நிகழ்வு

மன்னார் மறைமாவட்ட திருவிவிலியம், மறைக்கல்வி, கல்வி அருட்பணிகளுக்கான மையமான புனித வளன் அருட்பணி மையம் மன்னார் மறைமாவட்டத்திலுள்ள பங்குகளிலிருந்து தெரிந்தெடுக்கப்பட்ட புதிய மறைவாழ்வுக் கல்விப் பணியாளர்களுக்கான மூன்றுமாத வதிவிடப் பயிற்சியை ( 16.06.2019 – 20.09.2019) வழங்கியது.

இப் பயிற்சியில் பங்குபற்றி, பயிற்சியினை முழுமையாக நிறைவு செய்த மறைவாழ்வுக் கல்விப் பணியாளர்களுக்கான சீருடையும், சான்றிதழும் வழங்கும் நிகழ்வு 14.10.2019 மன்னார் புனித வளன் அருட்பணிமையத்தில் நடைபெற்றது. புதிய மறைவாழ்வுக் கல்விப் பணியாளர்களினால் நடாத்தப்பட்ட மாலைத் திருப்புகழோடு நிகழ்வுகள் ஆரம்பமாகின. புதிய மறைவாழ்வுக் கல்விப் பணியாளர்களின் பணி அர்ப்பண வாக்குறுதியை மன்னார் மறைமாவட்டக் குருமுதல்வர் அருட்பணி அ.விக்ரர் சோசை அவர்கள் பெற்றுக் கொண்ட பின்னர் அவர்களுக்கான பணிச் சீருடையை வழங்கினார். அதனைத் தொடர்ந்து மன்னார் மறைமாவட்ட ஆயர் பேரருட்கலாநிதி பி.ல.இம்மானுவேல் பெனாண்டோ ஆண்டகை அவர்கள் அவர்களுக்கான பயிற்சி நெறிக்கான சான்றிதழை வழங்கி ஆசீர்வதித்தார்.

இந் நிகழ்வில் இவ் வதிவிடப் பயிற்சியில் பங்குபற்றியோருக்கான பயிற்சிகளை வழங்கியோரும், கற்பித்தோரும், பயிற்சி பெற்றவர்களின் பெற்றோரும், அருட்பணியாளர்களும், துறவிகளும், மறைவாழ்வுக் கல்விப் பணியாளர்களும் கலந்து சிறப்பித்தனர். அனைத்து நிகழ்வுகளையும் மன்னார் மறைமாவட்ட மறைவாழ்வுக் கல்விப் பணியாளர் ஒன்றியத் தலைவர் திரு.ஜோசவ் கிறிஸ்ரி றெவல் தொகுத்து வழங்கினார். [2019-11-02 00:04:10]


திருவிவிலியப் போட்டியில் மன்னார் மறைமாவட்டத்திலிருந்து 65 மாணவர்கள் பரிசு பெற்றனர்.

கிறிஸ்தவ சமயப் பணிகள் திணைக்களம், தேசிய மறைக்கல்வி நிலையத்தின் ஆலோசனையுடனும், வழிகாட்டலுடனும்;, மறைமாவட்ட மறைக்கல்வி அருட்பணி மையங்களுடாக 2019.09.12ந் திகதியன்று நடாத்திய தேசிய மட்ட திருவிவிலியப் போட்டியில் மன்னார் மறைமாவட்டத்திலிருந்து 65 மாணவர்கள் உயர் மதிப்பெண்கள் பெற்று பரிசுபெறத் தகுதி பெற்றனர்.

கிறிஸ்தவ சமயப் பணிகள் திணைக்களம், தேசிய மறைக்கல்வி நிலையத்தின் ஆலோசனையுடனும், வழிகாட்டலுடனும்;, மறைமாவட்ட மறைக்கல்வி அருட்பணி மையங்களுடாக 2019.09.12ந் திகதியன்று நடாத்திய தேசிய மட்ட திருவிவிலியப் போட்டியில் மன்னார் மறைமாவட்டத்திலிருந்து 65 மாணவர்கள் உயர் மதிப்பெண்கள் பெற்று பரிசுபெறத் தகுதி பெற்றனர்.

கீழ்ப்பிரிவிலிருந்து 46 பேரும், மேற்பிரிவிலிருந்து 19 பேரும் என மொத்தமாக 65 மாணவர்கள் தேசிய ரீதியினான பரிசுக்காகத் தெரிவு செய்யப்பட்டுள்ளார்கள். நமது மறைமாவட்டத்தின் அதி உச்ச மதிப்பெண்ணாக கீழ்ப்பிரிவில் 95 மதிப்பெண்ணும், மேற்பிரிவில் 94 மதிப்பெண்ணும் பதிவாகியுள்ளது. அத்தோடு தேசியமட்டத்திலான திருவிவிலிய பேச்சுப்போட்டியில் ஆங்கிலப்பிரிவில் இரண்டாம், மூன்றாம் இடங்களும், தமிழ்ப் பிரிவில் அரண்டாம் இடமும் கிடைக்கப்பெற்றன.
இவர்களுக்கான பரிசளிப்புவிழா 12.10.2019 ல் கண்டி, கட்டுகஸ் தோட்ட புனித ஆந்தோனியார் கல்லூரியில் நடைபெற்றது. இவ் விழாவில் குருநாகல் மறைமாவட்ட ஆயரும், இலங்கைக் கத்தோலிக்க ஆயர் பேரவையின் திருவிவிலியம், மறைக்கல்வி, கல்வி அருட்பணிகளுக்கான தலைவருமான பேரருட் கலாநிதி கரல்ட் அந்தனி ஆண்டகை அவர்களும், கண்டி மாவட்டச் செயலர்அவர்களும், சுற்றுலாத்துறை மற்றும் வனஐPவராசிகள் அமைச்சின் செயலர், திருவிவிலியம், மறைக்கல்வி, கல்வி அருட்பணிகளுக்கான தேசிய இயக்குனர் பெனற் சாந்த அடிகளாரும், கிறிஸ்தவ மத பணிகள் திணைக்களத்தின் பணிப்பாளர் திருமதி சத்துரி பின்ரோ அவர்களும் மற்றும் பல அருட்பணியாளர்கள், துறவிகள், மறைவாழ்வுக்கல்விப் பணியாளர்கள், பெற்றோர், மாணவர்கள் எனப் பலரும் கலந்து சிறப்பித்தனர்.

தங்கள் அர்ப்பணமான வழிநடாத்துதலுக்கும், தயாரிப்புக்கும், கடின உழைப்புக்கும் அருட்பணியாளர்கள், துறவிகள், மறைவாழ்வுக் கல்விப் பணியாளர்கள், ஆசிரியர்கள் பெற்றோர்கள் அனைவருக்கும் எமது நன்றிகளையும் பாராட்டுக்களையும் தெரிவித்து நிற்கின்றோம். அத்தோடு இறுதிப் போட்டியில் பங்குபற்றிய அனைத்து மாணவர்களுக்கும், பரிசில்பெற தகுதி பெற்ற மாணவர்களுக்கும் வாழ்த்துக்களும், ஆசிரும். [2019-10-31 13:14:21]


இதயம் நிறைந்த அன்னையாக விளங்கும் மடுமாதாவின் திருவிழா

உலகக் கத்தோலிக்க திரு அவையானது அன்னை மரியாவின் விண்ணேற்ப்புப் பெருவிழாவைக் கொண்டாடும் இவ் வேளையில், இலங்கை மக்களின் இதயம் நிறைந்த அன்னையாக விளங்கும் மடுமாதாவின் திருவிழா இன்று 15.08.2019 வியாழக்கிழமை நடபெற்று முடிந்தது. உயிர்ப்பு ஞாயிறுக் குண்டுவெடிப்பின் பின்னர் ஏற்பட்ட அசாதாரண சூழ்நிலை, எதிர்மறை ஊகங்கள், பொய்யான செய்திகள், பாதுகாப்புப் பிரிவின் மிக இறுக்கமான பாதுகாப்பு முன்னெடுப்புக்கள்; இத்தனைக்கும் மத்தியில் எதனையும் பொருட்படுத்தாது உலகக் கத்தோலிக்க திரு அவையானது அன்னை மரியாவின் விண்ணேற்ப்புப் பெருவிழாவைக் கொண்டாடும் இவ் வேளையில், இலங்கை மக்களின் இதயம் நிறைந்த அன்னையாக விளங்கும் மடுமாதாவின் திருவிழா இன்று 15.08.2019 வியாழக்கிழமை நடபெற்று முடிந்தது. உயிர்ப்பு ஞாயிறுக் குண்டுவெடிப்பின் பின்னர் ஏற்பட்ட அசாதாரண சூழ்நிலை, எதிர்மறை ஊகங்கள், பொய்யான செய்திகள், பாதுகாப்புப் பிரிவின் மிக இறுக்கமான பாதுகாப்பு முன்னெடுப்புக்கள்; இத்தனைக்கும் மத்தியில் எதனையும் பொருட்படுத்தாது மடு அன்னைக்கு நன்றி சொல்லவும், அவரிடமிருந்து ஆசிர் பெறவும் மொழி, மதம் ஆகிய அனைத்தையும் கடந்து சுமார் ஜந்து இலட்சத்திற்கும் அதிகமான மக்கள் இறை நம்பிக்கையோடு இத் திருவிழாத் திருப்பலியில் பங்கேற்றிருந்தமை குறிப்பிடத் தக்கது. இத் திருத்தலத்தின் பரிபாலகர் அருட்பணி.ச.ஜொ. பேப்பி சோசை அடிகளார் அனைத்து திருவிழா செயற்பாடுகளையும் சிறப்பாக ஒழுங்குபடுத்தி, நெறிப்படுத்தினார்.

இன்றைய திருவிழத் திருப்பலி மன்னார் மறைமாவட்ட ஆயர் பேரருட்கலாநிதி பி.ல.இம்மானுவேல் பெனாண்டோ ஆண்டகை அவர்களின் தலைமையில் இலங்கைக் கத்தோலிக்க ஆயர் பேரவையின் தலைவரும், பதுளை மறைமாவட்ட ஆயருமான பேரருட்கலாநிதி வின்ஸ்ரன் பெனாண்டோ ஆண்டகை அவர்கள் முதன்மை திருவிழாத் திருப்பலி நிறைவேற்றுனராகக் கலந்து கொள்ள, குருநாகல் மறைமாவட்ட ஆயர் பேரருட்கலாநிதி கரல்ட் அன்ரனி ஆண்டகை, அனுராதபுரம் மறைமாவட்ட ஆயர் நோபேட் அண்றாடி ஆண்டகை அவர்களும் பெருந்தொகையான அருட்பணியாளர்களும்,துறவிகளும், இறைமக்களும் இப் திருவிழாத் திருப்பலியில் கலந்து கொண்டனர்.

தமிழில் மறையுரை வழங்கிய மன்னார் மறைமாவட்ட ஆயர் பேரருட்கலாநிதி பி.ல.இம்மானுவேல் பெனாண்டோ ஆண்டகை அவர்கள்: அனைத்து மக்களும் உடல் நலமும், பாதுகாப்பும், மகிழ்ச்சியும், அமைதியும் பெற்று வாழ அனைவரையும் வாழ்த்தி, அனைவருக்காகவும் செபிப்பதாகவும் கூறினார். தொடர்ந்து மரியன்னையின் விண்ணேற்புப் பெருவிழா தரும் ஆன்மிக சிந்தனையையும், அதன் வரலாற்றுப் பதிவுகளையும் எடுத்துக் கூறினார்.அத்தோடு இலங்கைக் கத்தோலிக்க ஆயர் பேரவையின் அண்மையில் வெளியான அறிக்கையை மேற்கோள் காட்டி: உயிர்ப்புப் பெருவிழாத் தினத்தன்று நடைபெற்ற குண்டுவெடிப்பின் விசாரணைகள் மட்டில் இலங்கைக் கத்தோலிக்க ஆயர் பேரவை அதிருப்தியையும், மன வேதனையையும் தெரிவிப்பதாகவும் இக் கொடிய செயலின் காரணர்கள் பாகுபாடின்றி கண்டறியப்பட்டு, நீதியானதும், உண்மையானதுமான விசாரணைகள் முன்னெடுத்துச் செல்லப்பட்டு, நீதி வழங்கப்படவேண்டுமென்றும், குண்டு வெடிப்பின் பின்னரான இலங்கை அரசின் அனைத்து உதவிகளுக்ககாவும் நன்றி தெரிவிப்பதாகவும் அவ் அறிக்கையின் உட்கருத்தை சுருக்கமாக வெளிப்படுத்தியதோடு, எதிர்வரும் புரட்டாதி மாதம் 08ம் திகதி அன்னை மரியாவின் திருவிழாத் தினத்தன்று நமது நாட்டின் இயல்பு வாழ்வுக்காகவும், அமைதிக்காகவும் இதய சுத்தியோடு கூடிய தவமும், ஒறுத்தலும் நிறைந்த தொடர் செப வழிபாடுகளை முன்னெடுத்துச் செல்லுமாறு கேட்டுக் கொண்டார்.

நாட்டின் பல பகுதிகளிலிருந்தும் பெருந்தொகையான குருக்களும், துறவிகளும், , மக்களும், அரச, அரச சார்பற்ற, அரசியல் துறைசார்ந்தவர்களும் அன்னையின் பக்தர்களாக வருகை தந்து இறையருள் பெற்றனர். திருவிழா அன்னையின் திருவுருவப் பவனியோடும், அன்னையின் திருவுருவ ஆசீராடும் நிறைவுற்றது. [2019-08-15 22:39:33]


அருட்சகோ.டியூரின் தர்ஷனி பெரேரா இறைமீட்பர் துறவற சபையில் இறுதி அர்ப்பணத்தைப் பெற்றுக்கொண்டார்.

கடந்த 10.08.2019 அன்று இறை மீட்பர் துறவறசபையைச் சேர்ந்த அருட்சகோதரி டியூரி தர்ஷனி பெரேரா அவர்கள் தனது துறவற வாழ்வில் இறுதி அர்ப்பணத்தை எடுத்துக்கொண்டார்.
இவ் இறுதி அர்ப்பண விழாத் திருப்பலியினை மன்னார் மறைமாவட்ட ஆயர் மேதகு இம்மானுவேல் பெர்னாண்டோ ஆண்டகை தலைமைதாங்கி நடத்தினார். இவரை மன்னார் மறைமாவட்டம் சார்பாக மன்னா வாழ்த்திப் பாராட்டுகின்றது. இந்நிகழ்வானது கற்கிடந்தகுளம் பங்கின் மளுவராயர் கட்டையடம்பன் புனித மரியன்னை ஆலயத்தில் நடைபெற்றது. அருட்சகோதரி. டியூரின் தர்ஷனி பெரேரா அவர்கள் திரு.திருமதி. வின்சன் டியூரின் பெரேரா மரியாள் விக்ரோறியாவின் ஆறாவது பிள்ளையாய் மளுவராயர் கட்டையடம்பன் கிராமத்தில் இறை அருளால் பிறந்தார். ஆரம்பக்கல்வியை கட்டையடம்பன் றௌ.க.த.க பாடசாலையிலும், தொடர்ந்து முருங்கனிலும் கற்று தனது உயர் கல்வியை வவுனியா கலவியியற் கல்லூரியில் நிறைவு செய்தார்.
2006ஆம் ஆண்டு ஆவணி மாதம் 02ஆம் திகதி இறை மீட்பர் கன்னியர் துறவறசபையில் துறவற உருவாக்கமடத்தில் இணைந்து கொண்டார். கொழும்பு, கண்டி அம்பிட்டிய இறைமீட்பர் சபை மடங்களில் தனது ஆரம்ப உருவாக்கப் பயிற்சிகளைப் பெற்று 2010ஆம் ஆண்டு முதல் அர்ப்பணத்தை பெற்றுக்கொண்டார். அதன்பின் வவுனியா கல்வியியற் கல்லூரியில் மூன்று ஆண்டுகள் கற்றபின் தனது ஆசிரியர் பணியை கண்டி புனித அந்தோனியார் கல்லூரியில் ஐந்து ஆண்டுகள் தொடர்ந்தார். அதன்பின் பணிமாற்றம் பெற்று யாழ்ப்பாணம் மண்டைதீவு றோ.க.த.க பாடசாலையில் ஆசிரியர் பணியினையும், பங்கில் இறைபணியினையும் தற்பொழுது ஆற்றிவருகின்றார். [2019-08-15 22:32:23]


கட்டைக்காடு புனித செபஸ்தியார் பங்கு ஆலயத்தில் முதல்நன்மைக் கொண்டாட்டம்

கட்டைக்காட்டுப் பங்கின் முதன்மை ஆலயமாகிய புனித செபஸ்தியார் ஆலயத்தில் முதல் நன்மை கொண்டாட்ட சிறப்பு திருப்பலி மிக அருட்சியாக நடைபெற்றது. மடு மறைக்கோட்ட முதல்வர் அருட்பணி. சத்தியராஜ் கூட்டுத்திருப்பலியை தலைமைதாங்கி ஒப்புக்கொடுத்தார். பங்குத்தந்தை அருட்பணி. எமில் எழில்ராஜ் மற்றும் பங்கு மறையாசிரியர் இணைந்து சிறார்களை நன்றாக ஆயத்தம் செய்து அழகாக ஒழுங்குபடுத்தியிருந்தாரகள். [2019-08-15 22:31:17]


திருக்குடும்ப கன்னியர் சபை அருட்சகோதரி ஜேம்ஸ் கூஞ்ஞ இறைபதம் அடைந்தார்.

திருக்குடும்ப கன்னியர் சபையை சேர்ந்தவரும் தலைமன்னாரை பிறப்பிடமாக கொண்டவருமான அருட்சகோதரி ஜேம்ஸ் கூஞ்ஞ தனது 85 வது வயதில் கடந்த திங்கள் கிழமை 05.08.2019 அன்று இறைபதம் எய்தினார்.

1934.01.19 அன்று பிறந்த இவர் 1954.12.18 அன்று திருக்குடும்ப கன்னியர் சபையில் நவசந்நியாசம் புகுந்த அருட்சகோதரி 1956 ம் ஆண்டு தனது சந்நியாச முதல் துறவற அர்ப்பணத்தை மேற்கொண்டார்.

அவரின் உடல் புதன்கிழமை (07.08.2019) காலை 8.30 மணிக்கு மன்னார் புனித செபஸ்தியார் பேராயத்தில் இரங்கல் திருப்பலியுடன் மன்னார் கத்தோலிக்க துறவறத்தினரின் நல்லடக்க மைதானத்தில் நல்லடக்கம் செய்யப்படும்.

இவரின் ஆன்மா நித்தியத்திற்கும் முடிவில்லாத ஒளியில் இளைப்பாற மறைமாவட்டம் சார்பாக ஆசிக்கின்றோம். எம் மன்னார் மறைமாவட்ட ஆயர், குருமுதல்வர், மறைமாவட்ட குருக்கள், துறவறத்தார் மற்றும் இறைமக்கள் சார்பாக திருக்குடும்ப கன்னியர்சபை அருட்சகோதரிகளுக்கும் குடும்பத்தினருக்கும் ஆழ்ந்த அனுதாபங்களை தெரிவிக்கின்றோம். [2019-08-15 22:30:16]


Rev. Fr.James Paththinather Passed away யாழ் திரு அவையில் சோகம்

Rev. Fr.James Paththinather Passed away யாழ் திரு அவையில் சோகம் யாழ் மறையின் மூத்த குரு உன்னதமான பணியாளன் கல்வாரிப்பலியை எமக்காக தினமும் நிறைவேற்றியவர்
வாழ்வின் ஓட்டத்தை முடித்து புனிதரோடு உறவு கொண்டு இறைவனோடு இணைந்திருக்க வான் வீடு சென்று விட்டார்
வாழ்விற்காய் நன்றி சொல்வோம் நிலை வாழ்விற்காய் செபிப்போம் யாழ் திரு அவையும் உறவுகளும் அமைதி பெற மன்றாடுவோம். [2019-07-13 16:13:19]


மூன்றுமாத வதிவிடப்பயிற்சி

மன்னார் மறைமாவட்டத்தின் சில பங்குகளிலிருந்து குறிப்பிட்ட சில புதிய பெண் மறையாசிரியர்கள் தெரிந்தெடுக்கப்பட்டு இவர்களுக்கான மூன்றுமாத வதிவிடப்பயிற்சி மன்னார் மறைமாவட்ட கல்வி, மறைக்கல்வி, விவிலிய அருட்பணி களுக்கான மையமான புனித வளன் அருட்பணி மையத்தினால் முன்னெடுத்துச் செல்லப்படுகின்றது.
மன்னார் மறைமாவட்டத்தின் சில பங்குகளிலிருந்து குறிப்பிட்ட சில புதிய பெண் மறையாசிரியர்கள் தெரிந்தெடுக்கப்பட்டு இவர்களுக்கான மூன்றுமாத வதிவிடப்பயிற்சி மன்னார் மறைமாவட்ட கல்வி, மறைக்கல்வி, விவிலிய அருட்பணி களுக்கான மையமான புனித வளன் அருட்பணி மையத்தினால் முன்னெடுத்துச் செல்லப்படுகின்றது.
கடந்த 16.06.2019 இப்பணி மையத்திற்கு வந்து முன்னோடிப் பயிற்சிகளைப் பெற்றுக்கொண்ட இவர்களுக்கான முழுமையான பயிற்சியினை 18.06.2019 மாலை இப்பணி மையத்தில் திருப்பலியை நிறைவேற்றியபின் மன்னார் மறைமாவட்ட ஆயர் பேரருட்கலாநிதி பி.ல.இம்மானுவேல் பெனாண்டோ ஆண்டகை அவர்கள் ஆரம்பித்து வைத்தார்கள். இந் நிகழ்வில் பல மறைவாழ்வுக் கல்விப் பணியாளர்கள் கலந்து புதிய மறைவாழ்வுக் கல்விப் பணியாளர்களாக பயிற்சி பெற வந்திருப்;போரை உற்சாகப்படுத்தினர். [2019-06-27 12:10:05]


பக்க இலக்கங்களை அழுத்தி எல்லா செய்திகளையும் பார்வையிடவும்