வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)



பக்க இலக்கங்களை அழுத்தி எல்லா செய்திகளையும் பார்வையிடவும்


இதயம் நிறைந்த அன்னையாக விளங்கும் மடுமாதாவின் திருவிழா

உலகக் கத்தோலிக்க திரு அவையானது அன்னை மரியாவின் விண்ணேற்ப்புப் பெருவிழாவைக் கொண்டாடும் இவ் வேளையில், இலங்கை மக்களின் இதயம் நிறைந்த அன்னையாக விளங்கும் மடுமாதாவின் திருவிழா இன்று 15.08.2019 வியாழக்கிழமை நடபெற்று முடிந்தது. உயிர்ப்பு ஞாயிறுக் குண்டுவெடிப்பின் பின்னர் ஏற்பட்ட அசாதாரண சூழ்நிலை, எதிர்மறை ஊகங்கள், பொய்யான செய்திகள், பாதுகாப்புப் பிரிவின் மிக இறுக்கமான பாதுகாப்பு முன்னெடுப்புக்கள்; இத்தனைக்கும் மத்தியில் எதனையும் பொருட்படுத்தாது உலகக் கத்தோலிக்க திரு அவையானது அன்னை மரியாவின் விண்ணேற்ப்புப் பெருவிழாவைக் கொண்டாடும் இவ் வேளையில், இலங்கை மக்களின் இதயம் நிறைந்த அன்னையாக விளங்கும் மடுமாதாவின் திருவிழா இன்று 15.08.2019 வியாழக்கிழமை நடபெற்று முடிந்தது. உயிர்ப்பு ஞாயிறுக் குண்டுவெடிப்பின் பின்னர் ஏற்பட்ட அசாதாரண சூழ்நிலை, எதிர்மறை ஊகங்கள், பொய்யான செய்திகள், பாதுகாப்புப் பிரிவின் மிக இறுக்கமான பாதுகாப்பு முன்னெடுப்புக்கள்; இத்தனைக்கும் மத்தியில் எதனையும் பொருட்படுத்தாது மடு அன்னைக்கு நன்றி சொல்லவும், அவரிடமிருந்து ஆசிர் பெறவும் மொழி, மதம் ஆகிய அனைத்தையும் கடந்து சுமார் ஜந்து இலட்சத்திற்கும் அதிகமான மக்கள் இறை நம்பிக்கையோடு இத் திருவிழாத் திருப்பலியில் பங்கேற்றிருந்தமை குறிப்பிடத் தக்கது. இத் திருத்தலத்தின் பரிபாலகர் அருட்பணி.ச.ஜொ. பேப்பி சோசை அடிகளார் அனைத்து திருவிழா செயற்பாடுகளையும் சிறப்பாக ஒழுங்குபடுத்தி, நெறிப்படுத்தினார்.

இன்றைய திருவிழத் திருப்பலி மன்னார் மறைமாவட்ட ஆயர் பேரருட்கலாநிதி பி.ல.இம்மானுவேல் பெனாண்டோ ஆண்டகை அவர்களின் தலைமையில் இலங்கைக் கத்தோலிக்க ஆயர் பேரவையின் தலைவரும், பதுளை மறைமாவட்ட ஆயருமான பேரருட்கலாநிதி வின்ஸ்ரன் பெனாண்டோ ஆண்டகை அவர்கள் முதன்மை திருவிழாத் திருப்பலி நிறைவேற்றுனராகக் கலந்து கொள்ள, குருநாகல் மறைமாவட்ட ஆயர் பேரருட்கலாநிதி கரல்ட் அன்ரனி ஆண்டகை, அனுராதபுரம் மறைமாவட்ட ஆயர் நோபேட் அண்றாடி ஆண்டகை அவர்களும் பெருந்தொகையான அருட்பணியாளர்களும்,துறவிகளும், இறைமக்களும் இப் திருவிழாத் திருப்பலியில் கலந்து கொண்டனர்.

தமிழில் மறையுரை வழங்கிய மன்னார் மறைமாவட்ட ஆயர் பேரருட்கலாநிதி பி.ல.இம்மானுவேல் பெனாண்டோ ஆண்டகை அவர்கள்: அனைத்து மக்களும் உடல் நலமும், பாதுகாப்பும், மகிழ்ச்சியும், அமைதியும் பெற்று வாழ அனைவரையும் வாழ்த்தி, அனைவருக்காகவும் செபிப்பதாகவும் கூறினார். தொடர்ந்து மரியன்னையின் விண்ணேற்புப் பெருவிழா தரும் ஆன்மிக சிந்தனையையும், அதன் வரலாற்றுப் பதிவுகளையும் எடுத்துக் கூறினார்.அத்தோடு இலங்கைக் கத்தோலிக்க ஆயர் பேரவையின் அண்மையில் வெளியான அறிக்கையை மேற்கோள் காட்டி: உயிர்ப்புப் பெருவிழாத் தினத்தன்று நடைபெற்ற குண்டுவெடிப்பின் விசாரணைகள் மட்டில் இலங்கைக் கத்தோலிக்க ஆயர் பேரவை அதிருப்தியையும், மன வேதனையையும் தெரிவிப்பதாகவும் இக் கொடிய செயலின் காரணர்கள் பாகுபாடின்றி கண்டறியப்பட்டு, நீதியானதும், உண்மையானதுமான விசாரணைகள் முன்னெடுத்துச் செல்லப்பட்டு, நீதி வழங்கப்படவேண்டுமென்றும், குண்டு வெடிப்பின் பின்னரான இலங்கை அரசின் அனைத்து உதவிகளுக்ககாவும் நன்றி தெரிவிப்பதாகவும் அவ் அறிக்கையின் உட்கருத்தை சுருக்கமாக வெளிப்படுத்தியதோடு, எதிர்வரும் புரட்டாதி மாதம் 08ம் திகதி அன்னை மரியாவின் திருவிழாத் தினத்தன்று நமது நாட்டின் இயல்பு வாழ்வுக்காகவும், அமைதிக்காகவும் இதய சுத்தியோடு கூடிய தவமும், ஒறுத்தலும் நிறைந்த தொடர் செப வழிபாடுகளை முன்னெடுத்துச் செல்லுமாறு கேட்டுக் கொண்டார்.

நாட்டின் பல பகுதிகளிலிருந்தும் பெருந்தொகையான குருக்களும், துறவிகளும், , மக்களும், அரச, அரச சார்பற்ற, அரசியல் துறைசார்ந்தவர்களும் அன்னையின் பக்தர்களாக வருகை தந்து இறையருள் பெற்றனர். திருவிழா அன்னையின் திருவுருவப் பவனியோடும், அன்னையின் திருவுருவ ஆசீராடும் நிறைவுற்றது. [2019-08-15 22:39:33]


அருட்சகோ.டியூரின் தர்ஷனி பெரேரா இறைமீட்பர் துறவற சபையில் இறுதி அர்ப்பணத்தைப் பெற்றுக்கொண்டார்.

கடந்த 10.08.2019 அன்று இறை மீட்பர் துறவறசபையைச் சேர்ந்த அருட்சகோதரி டியூரி தர்ஷனி பெரேரா அவர்கள் தனது துறவற வாழ்வில் இறுதி அர்ப்பணத்தை எடுத்துக்கொண்டார்.
இவ் இறுதி அர்ப்பண விழாத் திருப்பலியினை மன்னார் மறைமாவட்ட ஆயர் மேதகு இம்மானுவேல் பெர்னாண்டோ ஆண்டகை தலைமைதாங்கி நடத்தினார். இவரை மன்னார் மறைமாவட்டம் சார்பாக மன்னா வாழ்த்திப் பாராட்டுகின்றது. இந்நிகழ்வானது கற்கிடந்தகுளம் பங்கின் மளுவராயர் கட்டையடம்பன் புனித மரியன்னை ஆலயத்தில் நடைபெற்றது. அருட்சகோதரி. டியூரின் தர்ஷனி பெரேரா அவர்கள் திரு.திருமதி. வின்சன் டியூரின் பெரேரா மரியாள் விக்ரோறியாவின் ஆறாவது பிள்ளையாய் மளுவராயர் கட்டையடம்பன் கிராமத்தில் இறை அருளால் பிறந்தார். ஆரம்பக்கல்வியை கட்டையடம்பன் றௌ.க.த.க பாடசாலையிலும், தொடர்ந்து முருங்கனிலும் கற்று தனது உயர் கல்வியை வவுனியா கலவியியற் கல்லூரியில் நிறைவு செய்தார்.
2006ஆம் ஆண்டு ஆவணி மாதம் 02ஆம் திகதி இறை மீட்பர் கன்னியர் துறவறசபையில் துறவற உருவாக்கமடத்தில் இணைந்து கொண்டார். கொழும்பு, கண்டி அம்பிட்டிய இறைமீட்பர் சபை மடங்களில் தனது ஆரம்ப உருவாக்கப் பயிற்சிகளைப் பெற்று 2010ஆம் ஆண்டு முதல் அர்ப்பணத்தை பெற்றுக்கொண்டார். அதன்பின் வவுனியா கல்வியியற் கல்லூரியில் மூன்று ஆண்டுகள் கற்றபின் தனது ஆசிரியர் பணியை கண்டி புனித அந்தோனியார் கல்லூரியில் ஐந்து ஆண்டுகள் தொடர்ந்தார். அதன்பின் பணிமாற்றம் பெற்று யாழ்ப்பாணம் மண்டைதீவு றோ.க.த.க பாடசாலையில் ஆசிரியர் பணியினையும், பங்கில் இறைபணியினையும் தற்பொழுது ஆற்றிவருகின்றார். [2019-08-15 22:32:23]


கட்டைக்காடு புனித செபஸ்தியார் பங்கு ஆலயத்தில் முதல்நன்மைக் கொண்டாட்டம்

கட்டைக்காட்டுப் பங்கின் முதன்மை ஆலயமாகிய புனித செபஸ்தியார் ஆலயத்தில் முதல் நன்மை கொண்டாட்ட சிறப்பு திருப்பலி மிக அருட்சியாக நடைபெற்றது. மடு மறைக்கோட்ட முதல்வர் அருட்பணி. சத்தியராஜ் கூட்டுத்திருப்பலியை தலைமைதாங்கி ஒப்புக்கொடுத்தார். பங்குத்தந்தை அருட்பணி. எமில் எழில்ராஜ் மற்றும் பங்கு மறையாசிரியர் இணைந்து சிறார்களை நன்றாக ஆயத்தம் செய்து அழகாக ஒழுங்குபடுத்தியிருந்தாரகள். [2019-08-15 22:31:17]


திருக்குடும்ப கன்னியர் சபை அருட்சகோதரி ஜேம்ஸ் கூஞ்ஞ இறைபதம் அடைந்தார்.

திருக்குடும்ப கன்னியர் சபையை சேர்ந்தவரும் தலைமன்னாரை பிறப்பிடமாக கொண்டவருமான அருட்சகோதரி ஜேம்ஸ் கூஞ்ஞ தனது 85 வது வயதில் கடந்த திங்கள் கிழமை 05.08.2019 அன்று இறைபதம் எய்தினார்.

1934.01.19 அன்று பிறந்த இவர் 1954.12.18 அன்று திருக்குடும்ப கன்னியர் சபையில் நவசந்நியாசம் புகுந்த அருட்சகோதரி 1956 ம் ஆண்டு தனது சந்நியாச முதல் துறவற அர்ப்பணத்தை மேற்கொண்டார்.

அவரின் உடல் புதன்கிழமை (07.08.2019) காலை 8.30 மணிக்கு மன்னார் புனித செபஸ்தியார் பேராயத்தில் இரங்கல் திருப்பலியுடன் மன்னார் கத்தோலிக்க துறவறத்தினரின் நல்லடக்க மைதானத்தில் நல்லடக்கம் செய்யப்படும்.

இவரின் ஆன்மா நித்தியத்திற்கும் முடிவில்லாத ஒளியில் இளைப்பாற மறைமாவட்டம் சார்பாக ஆசிக்கின்றோம். எம் மன்னார் மறைமாவட்ட ஆயர், குருமுதல்வர், மறைமாவட்ட குருக்கள், துறவறத்தார் மற்றும் இறைமக்கள் சார்பாக திருக்குடும்ப கன்னியர்சபை அருட்சகோதரிகளுக்கும் குடும்பத்தினருக்கும் ஆழ்ந்த அனுதாபங்களை தெரிவிக்கின்றோம். [2019-08-15 22:30:16]


Rev. Fr.James Paththinather Passed away யாழ் திரு அவையில் சோகம்

Rev. Fr.James Paththinather Passed away யாழ் திரு அவையில் சோகம் யாழ் மறையின் மூத்த குரு உன்னதமான பணியாளன் கல்வாரிப்பலியை எமக்காக தினமும் நிறைவேற்றியவர்
வாழ்வின் ஓட்டத்தை முடித்து புனிதரோடு உறவு கொண்டு இறைவனோடு இணைந்திருக்க வான் வீடு சென்று விட்டார்
வாழ்விற்காய் நன்றி சொல்வோம் நிலை வாழ்விற்காய் செபிப்போம் யாழ் திரு அவையும் உறவுகளும் அமைதி பெற மன்றாடுவோம். [2019-07-13 16:13:19]


மூன்றுமாத வதிவிடப்பயிற்சி

மன்னார் மறைமாவட்டத்தின் சில பங்குகளிலிருந்து குறிப்பிட்ட சில புதிய பெண் மறையாசிரியர்கள் தெரிந்தெடுக்கப்பட்டு இவர்களுக்கான மூன்றுமாத வதிவிடப்பயிற்சி மன்னார் மறைமாவட்ட கல்வி, மறைக்கல்வி, விவிலிய அருட்பணி களுக்கான மையமான புனித வளன் அருட்பணி மையத்தினால் முன்னெடுத்துச் செல்லப்படுகின்றது.
மன்னார் மறைமாவட்டத்தின் சில பங்குகளிலிருந்து குறிப்பிட்ட சில புதிய பெண் மறையாசிரியர்கள் தெரிந்தெடுக்கப்பட்டு இவர்களுக்கான மூன்றுமாத வதிவிடப்பயிற்சி மன்னார் மறைமாவட்ட கல்வி, மறைக்கல்வி, விவிலிய அருட்பணி களுக்கான மையமான புனித வளன் அருட்பணி மையத்தினால் முன்னெடுத்துச் செல்லப்படுகின்றது.
கடந்த 16.06.2019 இப்பணி மையத்திற்கு வந்து முன்னோடிப் பயிற்சிகளைப் பெற்றுக்கொண்ட இவர்களுக்கான முழுமையான பயிற்சியினை 18.06.2019 மாலை இப்பணி மையத்தில் திருப்பலியை நிறைவேற்றியபின் மன்னார் மறைமாவட்ட ஆயர் பேரருட்கலாநிதி பி.ல.இம்மானுவேல் பெனாண்டோ ஆண்டகை அவர்கள் ஆரம்பித்து வைத்தார்கள். இந் நிகழ்வில் பல மறைவாழ்வுக் கல்விப் பணியாளர்கள் கலந்து புதிய மறைவாழ்வுக் கல்விப் பணியாளர்களாக பயிற்சி பெற வந்திருப்;போரை உற்சாகப்படுத்தினர். [2019-06-27 12:10:05]


வவுனியா இறம்பைக்குளம், புனித அந்தோனியார் திருவிழா

ஆனி மாதம் 13ம் திகதி புனித அந்தோனியாரின் திருவிழா உலகெங்கும் கொண்டாடப்பட்ட நிலையில் வவுனியா இறம்பைக்குளம், புனித அந்தோனியார் ஆலயப் பங்கு மக்கள் தங்கள் பாதுகாவலராம் புனித அந்தோனியாரின் திருவிழாவை ஆன்மிக செழுமையோடு கொண்டாடி மகிழ்ந்தனர். ஆனி மாதம் 13ம் திகதி புனித அந்தோனியாரின் திருவிழா உலகெங்கும் கொண்டாடப்பட்ட நிலையில் வவுனியா இறம்பைக்குளம், புனித அந்தோனியார் ஆலயப் பங்கு மக்கள் தங்கள் பாதுகாவலராம் புனித அந்தோனியாரின் திருவிழாவை ஆன்மிக செழுமையோடு கொண்டாடி மகிழ்ந்தனர்.
பங்குத் தந்தை அருட்பணி.ம.ஜெயபாலன் அடிகளாரின் தலைமையில் நடைபெற்ற இவ்விழாவில் கண்டி அம்பிட்டிய தேசிய குருமட மெய்யில் துறை இயக்குனர் அருட்பணி.பி.கிறிஸ்துநாயகம் அடிகளார் திருவிழாத் திருப்பலியை தலைமையேற்று ஒப்புக் கொடுத்தார்.

இவ்விழாவில் பல அருட்பணியாளர்களும், துறவிகளும், பெருந்தொகையான இறைமக்களும் கலந்து இறையருள் பெற்றனர். திருவிழாத் திருப்பலி முடிவில் புனித அந்தோனியாரின் திருவுருவப் பவனியும், ஆசீரும் இடம்பெற்றது. [2019-06-27 12:06:43]


குருத்துவ அருட்பொழிவு நிகழ்வு 23.05.2019

மன்னார் மறைமாவட்ட தியாக்கோன் அருட்சகோதரர்கள் 4 பேர் இன்று மன்னார் மறைமாவட்ட ஆயர் ஆண்டகை அவர்களினால் குருத்துவ அருட்பொழிவு செய்து இன்றில் இருந்து குருக்களாக திருநிலைப்படுத்தப்பட்டுள்ளார்கள் என்பதனை கத்தோலிக்க இறைமக்களுக்கு மகிழ்ச்சியோடு அறியத்தருகின்றோம்.
அத்தோடு இந்த குருக்களை ஈன்றெடுத்து கடவுளுக்கு அர்ப்பணித்த அன்பான பெற்றோர்களுக்கும், இவர்களை பாடசாலைகளில் உருவாக்கிய ஆசிரியர்களுக்கும், குருமடத்திற்கு செல்லுவதற்கு ஆயத்தம் செய்த பங்கு குருக்களுக்கும், விசேட விதமாக குருமட அதிபர்கள், அருட்தந்தையர்கள், அருட்சகோதரர்கள், கன்னியர்கள், அனைவருக்கும் எமது மனம் நிறைந்த நன்றிகள் உரித்தாகட்டும்.
அத்தோடு இந்த குருக்கள் தங்களின் பணி வாழ்வில் இறைபணியுடன், பொது பணிகளிலும் முன்நின்று மக்களோடு மக்களாக செயற்படவும் உடல் நல சுகபலத்துடன் பணியாற்றவும், ஆண்டவர் இவர்களோடு இருந்து பணியாற்றவும் வேண்டும் என்று மன்னார் மறைமாவட்ட ஆயர், குருக்கள், கன்னியர்கள், அருட்சகோதரர்கள், பொது நிலை பணியாளர்கள், இறைமக்கள் சார்பாக இறையசீர் கூறி நல் வாழ்த்துக்களை தெரிவித்து நிற்கின்றோம். [2019-05-28 13:10:34]


இலங்கையின் முதல் ஆண் துறவியாக தனது முதலாவது நித்திய வாக்குதத்தத்தை...

தூய. கார்மேல் சபையின் இலங்கையின் முதல் ஆண் துறவியாக தனது முதலாவது நித்திய வாக்குதத்தத்தை பிலிப்பைன்ஸ் நாட்டில் பெற்றுக்கொண்ட மன்னார் மறை மாவட்டம் சிலாபத்துறை பங்கின் கொக்கு படையான் கிராமத்தை சேர்ந்த செபஸ்தியாம்பிள்ளை டிலோஷன் அவர்களுக்கு எமது வாழ்த்துக்களும்,செபங்களும் உரித்தாகுக.. [2019-05-28 13:09:29]


குண்டுவெடித்த அதே தேவாலயத்தில் இன்று கதறியழுத உறவுகள்!

கடந்த 21 ஆம் திகதி உயிர்த்த ஞாயிறு தினத்தை கிறிஸ்தவர்கள் தேவாலயங்களில் கொண்டாடி திருப்பலிப் பூசை வழிபாடுகளில் ஈடுபட்டிருந்த வேளை, 3 தேவாலயங்களில் தற்கொலைத் தாக்குதல் மேற்கொற்கொள்ளப்பட்டது.

இந்நிலையில் நீர்கொழும்பு கட்டான கட்டுவாப்பிட்டிய சென். செபஸ்டியார் ஆலயத்தில் இடம்பெற்ற தற்கொலைக்குண்டுத் தாக்குதலில் உயிரிழந்தோரின் இறுதி நல்லடக்க ஆராதனைகள் இன்று அதே தேவாலயத்தில் இடம்பெற்றது.
அந்த தற்கொலைத் தாக்குதலில் உயிரிழந்த அப்பாவிப் பொதுமக்களின் நல்லடக்க ஆராதனை வழிபாடுகள் நீர்கொழும்பு கட்டுவாப்பிட்டிய ஆலயத்தில் இடம்பெற்ற நிலையில் அப்பகுதியெங்கும் பெரும் சோகத்தில் மூழ்கியுள்ளது.

இதன் போது அங்கு பலத்த பாதுகாப்பு போடப்பட்டதுடன் குறித்த ஆலயப் பகுதியெங்கும் மக்களின் கண்ணீர் வெள்ளத்தில் சோகக் காடாக கட்சியளித்தது. [2019-04-23 11:12:24]



பக்க இலக்கங்களை அழுத்தி எல்லா செய்திகளையும் பார்வையிடவும்