வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)



பக்க இலக்கங்களை அழுத்தி எல்லா செய்திகளையும் பார்வையிடவும்



எத்தியோப்பியாவில் கைது செய்யப்பட்ட ஏழு அருள்சகோதரிகள் விடுதலை!

எத்தியோப்பியாவில் Tigray புரட்சியாளர்களின் ஆதரவாளர்கள் என்ற சந்தேகத்தின்பேரில் நவம்பர் மாதம் காவலர்களால் கைதுசெய்யப்பட்டு கொண்டு செல்லப்பட்ட 7 துறவற அருள்சகோதரிகள், தற்போது விடுவிக்கப்பட்டுள்ளனர். எத்தியோப்பியாவின் Tigray சிறுபான்மை இனத்தவரின் அரசுக்கு எதிரானப் போராட்டங்கள் 2020ம் ஆண்டு நவம்பர் மாதம் துவங்கியதிலிருந்து பலர் கைது செய்யப்பட்டு வருவதன் தொடர்ச்சியாக, கடந்த ஆண்டு நவம்பர் மாதம் 30ம் தேதி 7 அருள்சகோதரிகள் கைது செய்யப்பட்டு, தற்போதுதான் விடுவிக்கப்பட்டுள்ளனர். அரசால் கைது செய்யப்பட்ட, வின்சென்ட் தெ பவுல் பிறரன்பு புதல்வியர் சபையைச் சேர்ந்த ஆறு அருள்சகோதரிகளும், Ursuline துறவு சபையைச் சேர்ந்த ஒருவரும் Tigray சிறுபான்மை இனத்தைச் சேர்ந்தவர்கள் என்பது குறிப்பிடத்தக்கது. Tigray இனமக்களிலிருந்து கைது செய்யப்பட்ட மேலும் இரு திருத்தொண்டர்கள், இரு அருள்கன்னியர்கள், மற்றும் ஆயிரக்கணக்கான பொதுமக்கள் குறித்த எந்தச் செய்தியையும் வெளியிட மறுத்து வருகிறது அரசு. நவம்பர் மாதம் 5ம் தேதி தலைநகர் Addis Ababaவுக்கு அருகிலுள்ள Gottera பகுதியின் சலேசிய துறவிகள் கல்வி மையத்திலிருந்து கைது செய்யப்பட்ட 17 பேர் பல்வேறு விசாரணைகளுக்குப் பின் நவம்பர் 13ம் தேதி விடுவிக்கப்பட்டனர். ஒவ்வோர் இல்லத்திற்குள்ளும் திருத்தந்தையின் வார்த்தையை நாங்கள் கொணர்வதில் உங்களின் ஆதரவு ஒவ்வோர் இல்லத்திற்குள்ளும் திருத்தந்தையின் வார்த்தையை நாங்கள் கொணர்வதில் உங்களின் ஆதரவு 18 January 2022, 15:40 அனுப்புக அச்சிடுக தொடங்கியது ௧௨ நிமிடங்கள் முன் General Audience From the Paul VI Hall, the Holy Father’s General Audience மேலும் வரவிருக்கும் நிகழ்வுகள்: 19-01-2022 11:00 Angelus prayer and Holy Rosary 19-01-2022 18:00 Holy Mass ஒலியோடையை கேட்க ஒலியோடையை கேட்க செய்தி மடல் செய்தி மடல் அண்மைச் செய்திகள் பெற சாந்தா மார்த்தா மறையுரை சாந்தா மார்த்தா மறையுரை மூவேளை செப உரை மூவேளை செப உரை மறைக்கல்வி உரை மறைக்கல்வி உரை ஓர் உயரிய பணிக்கு உங்களின் பங்களிப்பு.ஓர் உயரிய பணிக்கு உங்களின் பங்களிப்பு. Vatican News திருத்தந்தையின் பயணங்கள் மூவேளை செபம் சாந்தா மார்த்தா திருப்பலி திருத்தந்தை மறைக்கல்வியுரை பயனுள்ள தகவல் நாங்கள் யார் தொடர்புக்கு சட்ட அறிவிப்புகள் Privacy Policy Cookie Policy Faq மற்ற இணையதளங்கள் Vatican.va Vaticanstate.va Peter's Pence Photovat.com மற்ற சேனல்கள் Schedules ஒலியோடை செய்திமடல் பதிவு Short Waves பதிவிறக்கத்திற்கு Facebook Youtube Instagram Rss Copyright © 2017-2022 Dicasterium pro Communicatione - அனைத்து உரிமைக [2022-01-19 10:11:05]


திருஅவையில் சிறப்பிக்கப்படும் கிறிஸ்தவ ஒன்றிப்பு வாரம்

மெசியாவைக் காணவந்த ஞானிகள் போல் நாமும் ஒன்றிப்பை நோக்கிய பாதையில் திருப்பயணிகள் என தன் டுவிட்டர் செய்தியில் குறிப்பிட்டுள்ளார் திருத்தந்தை பிரான்சிஸ். ஜனவரி 18, செவ்வாய்க்கிழமையன்று திருத்தந்தை வெளியிட்ட செய்தியில், 'கிழக்கிலிருந்து மெசியாவை வணங்க பெத்லேகம் நோக்கி வந்த ஞானிகள்போல் கிறிஸ்தவர்களாகிய நாமும் நம் மத நம்பிக்கைகள், மற்றும், பாரம்பரியங்களின் வேறுபாடுகளில், முழு ஒன்றிப்பைக் காணும் பாதையில் திருப்பயணிகள். நாம் அனைவரும் ஒன்றிணைந்து செபித்து, நம் ஒரே ஆண்டவராம் இயேசுவில் நம் பார்வையை நிலை நிறுத்துவோம்’, என்கிறது திருத்தந்தையின் டிவிட்டர் செய்தி. ஒவ்வோர் ஆண்டும் ஜனவரி 18 முதல் 25 வரை திரு அவையில் சிறப்பிக்கப்படும் கிறிஸ்தவ ஒன்றிப்பு வாரம், இச்செவ்வாய் முதல் வரும் செவ்வாய் வரை பல்வேறு தலத் திருஅவைகளிலும், தலைமைப்பீடம் இருக்கும் உரோம் நகரிலும் இடம்பெற்று வருகிறது. இறுதி நாளான ஜனவரி 25ம் தேதி மாலை, உரோம் நகர் புனித பவுல் பெருங்கோவிலில் திருத்தந்தை பிரான்சிஸ் அவர்கள் தலைமையில் இச்செபவார நிறைவு வழிபாடு இடம்பெறும். [2022-01-19 10:07:37]


புனித பூமி நிகழ்வுகளை வெளியுலகிற்கு தரும் செய்தியாளர்கள்

இறைவனின் நிலமாகவும், கிறிஸ்தவத்தின் தொட்டிலாகவும், மனிதகுலத்தின் மீட்பு வரலாற்றில் தொடர்புடைய புனிதத் தலங்களைக் கொண்டுள்ள இடமாகவும் இருக்கும் புனித பூமியைக் குறித்து மக்கள் மேலும் அறிந்துகொள்ள உழைத்துவரும் கத்தோலிக்க சமூகத்தொடர்பாளர்கள் அனைவருக்கும் தன் நன்றியையும் வாழ்த்தையும் வெளியிட்டார் திருத்தந்தை பிரான்சிஸ். 'புனித பூமி' என்ற பெயரில் எருசலேமில் இருந்து இயங்கும் பத்திரிகை, தான் துவக்கப்பட்டதன் நூறாமாண்டைச் சிறப்பிப்பதை முன்னிட்டு, அதன் பிரதிநிதிகளை ஜனவரி 17, திங்கள் காலை திருப்பீடத்தில் சந்தித்த திருத்தந்தை பிரான்சிஸ் அவர்கள், மத்தியக்கிழக்குப் பகுதியில் வாழும் கிறிஸ்தவ சபைகளின் அங்கத்தினர்களோடு மட்டுமல்ல, யூத, மற்றும் இஸ்லாம் மத சகோதர்களுடனும் ஓர் உடன்பிறந்த நிலையை உருவாக்க கத்தோலிக்க செய்தியாளர்கள் ஆற்றிவரும் பணிக்குத் தன் பாராட்டுக்களையும் வெளியிட்டார். ஆபிரகாமின் பிள்ளைகளாகிய யூதர்கள், இஸ்லாமியர்கள், மற்றும் கிறிஸ்தவர்களிடையே உடன்பிறந்த நிலை என்பது இயலக்கூடியதே என்பதை எடுத்துரைப்பவர்களாகவும், வலியுறுத்துபவர்களாகவும், கத்தோலிக்க செய்தியாளர்கள் செயல்படவேண்டும் என்ற அழைப்பையும் முன்வைத்தார் திருத்தந்தை பிரான்சிஸ். புலம்பெயர்ந்தோர், குடியேற்றத்தாரர் ஆகியோரின் மனித மாண்புக்காகவும் உழைத்துவரும் 'புனித பூமி' பத்திரிகையின் பணியாளர்கள், சிரியா, லெபனான், பாலஸ்தீனம், காசா ஆகிய பகுதிகளில் துன்புறும் மக்களை நேரில் சந்தித்து அவர்களின் துயர்நிலைகளை உலகுக்கு எடுத்துரைத்து வருவது குறித்தும் தன் பாராட்டுக்களை வெளியிட்டார் திருத்தந்தை பிரான்சிஸ். போரின் தீமைகள், குழந்தை பருவத்தை இழந்து தவிக்கும் சிறார், ஒப்புரவுப்பணிகள், புலப்பெயர்ந்தவர்களின் துயரங்களும் நம்பிக்கைகளும் என பல்வேறு நிலைகளை வெளிஉலகிற்குப் படம்பிடித்து காண்பிக்கும் செய்தியாளர்கள், இறைவன் இவ்வுலக வரலாற்றில் தொடர்ந்து எழுதிக்கொண்டிருக்கும் ஐந்தாவது நற்செய்தியை உலகிற்கு உரைப்பவர்களாக உள்ளார்கள் எனவும், எருசலேமிலிருந்து இயங்கும் 'புனிதபூமி' பத்திரிகையின் செய்தியாளர்களுக்கு மேலும் தன் கருத்துக்களை எடுத்துரைத்தார் திருத்தந்தை பிரான்சிஸ். [2022-01-18 00:13:51]


பிறரன்பு பணிகளில் இறைவனுக்கும் தங்களுக்குள்ளும் நெருங்கி வருதல்

ஒப்புரவு, மற்றும், கடந்த கால எண்ணங்களின் குணப்படுத்தலை நோக்கிய நம் பாதையில், விடுதலையையும், உண்மைக்கான தேடலில் உறுதிப்பாட்டையும் இறைவன் வழங்குவாராக, என பின்லாந்திலிருந்த தன்னை சந்திக்க வந்திருந்த கிறிஸ்தவ ஒன்றிப்பு குழு ஒன்றிற்கு உரை வழங்கினார் திருத்தந்தை பிரான்சிஸ். இயேசுவைக் காண வந்த ஞானிகளை மேற்கோளாகக் கொண்டு இக்குழுவுக்கு உரையொன்று வழங்கிய திருத்தந்தை பிரான்சிஸ் அவர்கள், பிறந்திருக்கும் மெசியாவைக் காணவேண்டும் என்ற முனைப்புடன் செயல்பட்டதால் அவர்களின் நோக்கத்தில் ஞானிகள் வெற்றியடைய முடிந்த அதேவேளையில், அவர்களின் இந்தப் பயணத்தைத் துவக்கி வைத்தவர், விண்மீன் வழியாக முதலில் தேடிச் சென்ற கடவுளே என்பதையும் சுட்டிக்காட்டினார். இயேசுவால் தொடப்பட்ட ஒவ்வொருவரும், ஒருநாளும் தங்களுக்காக வாழ்பவர்களாகச் செயல்படமுடியாது, மாறாக, எப்போதும் முன்னோக்கிச் செல்பவர்களாக, அதிலும் ஒன்றிணைந்து செல்பவர்களாகவே இருக்க முடியும் என கிறிஸ்தவ ஒன்றிப்பின் பாதை குறித்து எடுத்துரைத்த திருத்தந்தை பிரான்சிஸ் அவர்கள், இந்தப் பாதையின் சில படிகள் எளிமையானதாகவும், சில கடினமானதாகவும் இருக்கக்கூடும் என்பதுக் குறித்து விரிவாக விளக்கினார். பிறரன்பு நடவடிக்கைகளில் கிறிஸ்தவ சபைகள் ஈடுபடும்போது, ஏழைகளில் பிரசன்னமாயிருக்கும் இறைவனுக்கு நெருக்கமாக அவர்கள் வருவது மட்டுமல்ல, கிறிஸ்தவ சபைகளும் ஒன்றுக்கொன்று நெருக்கமாக வருகின்றன என்பதை எடுத்துரைத்த திருத்தந்தை, இப்பாதையில் ஒருவருக்கொருவர் ஊக்கமூட்டுபவர்களாகவும், அவ்வப்போது நம் நோக்கம் குறித்து சிந்திப்பவர்களாகவும் செயல்படுவோம் என்ற அழைப்பையும் முன்வைத்தார். 325ம் ஆண்டு நீசேயாவில் இடம்பெற்ற முதல் பொதுச்சங்கத்தின் 1700ம் ஆண்டு 2025ம் ஆண்டிலும், கிறிஸ்தவ ஒன்றிப்பை ஊக்குவிக்க கூட்டப்பட்ட Augsburg கூட்டத்தின் 500ம் ஆண்டு 2030ல் சிறப்பிக்கப்பட உள்ளது குறித்தும், பின்லாந்திலிருந்து வந்திருந்த கிறிஸ்தவ ஒன்றிப்பு குழுவிடம் நினைவூட்டினார் திருத்தந்தை பிரான்சிஸ். [2022-01-18 00:09:41]


புனித பூமி நிகழ்வுகளை வெளியுலகிற்கு தரும் செய்தியாளர்கள்

இறைவனின் நிலமாகவும், கிறிஸ்தவத்தின் தொட்டிலாகவும், மனிதகுலத்தின் மீட்பு வரலாற்றில் தொடர்புடைய புனிதத் தலங்களைக் கொண்டுள்ள இடமாகவும் இருக்கும் புனித பூமியைக் குறித்து மக்கள் மேலும் அறிந்துகொள்ள உழைத்துவரும் கத்தோலிக்க சமூகத்தொடர்பாளர்கள் அனைவருக்கும் தன் நன்றியையும் வாழ்த்தையும் வெளியிட்டார் திருத்தந்தை பிரான்சிஸ். 'புனித பூமி' என்ற பெயரில் எருசலேமில் இருந்து இயங்கும் பத்திரிகை, தான் துவக்கப்பட்டதன் நூறாமாண்டைச் சிறப்பிப்பதை முன்னிட்டு, அதன் பிரதிநிதிகளை ஜனவரி 17, திங்கள் காலை திருப்பீடத்தில் சந்தித்த திருத்தந்தை பிரான்சிஸ் அவர்கள், மத்தியக்கிழக்குப் பகுதியில் வாழும் கிறிஸ்தவ சபைகளின் அங்கத்தினர்களோடு மட்டுமல்ல, யூத, மற்றும் இஸ்லாம் மத சகோதர்களுடனும் ஓர் உடன்பிறந்த நிலையை உருவாக்க கத்தோலிக்க செய்தியாளர்கள் ஆற்றிவரும் பணிக்குத் தன் பாராட்டுக்களையும் வெளியிட்டார். ஆபிரகாமின் பிள்ளைகளாகிய யூதர்கள், இஸ்லாமியர்கள், மற்றும் கிறிஸ்தவர்களிடையே உடன்பிறந்த நிலை என்பது இயலக்கூடியதே என்பதை எடுத்துரைப்பவர்களாகவும், வலியுறுத்துபவர்களாகவும், கத்தோலிக்க செய்தியாளர்கள் செயல்படவேண்டும் என்ற அழைப்பையும் முன்வைத்தார் திருத்தந்தை பிரான்சிஸ். புலம்பெயர்ந்தோர், குடியேற்றத்தாரர் ஆகியோரின் மனித மாண்புக்காகவும் உழைத்துவரும் 'புனித பூமி' பத்திரிகையின் பணியாளர்கள், சிரியா, லெபனான், பாலஸ்தீனம், காசா ஆகிய பகுதிகளில் துன்புறும் மக்களை நேரில் சந்தித்து அவர்களின் துயர்நிலைகளை உலகுக்கு எடுத்துரைத்து வருவது குறித்தும் தன் பாராட்டுக்களை வெளியிட்டார் திருத்தந்தை பிரான்சிஸ். போரின் தீமைகள், குழந்தை பருவத்தை இழந்து தவிக்கும் சிறார், ஒப்புரவுப்பணிகள், புலப்பெயர்ந்தவர்களின் துயரங்களும் நம்பிக்கைகளும் என பல்வேறு நிலைகளை வெளிஉலகிற்குப் படம்பிடித்து காண்பிக்கும் செய்தியாளர்கள், இறைவன் இவ்வுலக வரலாற்றில் தொடர்ந்து எழுதிக்கொண்டிருக்கும் ஐந்தாவது நற்செய்தியை உலகிற்கு உரைப்பவர்களாக உள்ளார்கள் எனவும், எருசலேமிலிருந்து இயங்கும் 'புனிதபூமி' பத்திரிகையின் செய்தியாளர்களுக்கு மேலும் தன் கருத்துக்களை எடுத்துரைத்தார் திருத்தந்தை பிரான்சிஸ். [2022-01-18 00:06:36]


OSCE அவைக்கு திருப்பீடத்தின் வாழ்த்துச் செய்தி

OSCE எனப்படும், ஐரோப்பாவின் பாதுகாப்பு மற்றும் ஒத்துழைப்பு அவையின், தலைமைப் பொறுப்பை இவ்வாண்டில் போலந்து நாடு ஏற்றுள்ளது குறித்து திருப்பீடம் தன் வாழ்த்தையும் வரவேற்பையும் வழங்கியது. போலந்து நாட்டுக்குத் திருப்பீடம் சார்பில் வாழ்த்துக்களை வெளியிட்ட, வியன்னாவிலுள்ள பல்வேறு அனைத்துலக அமைப்புகளுக்கான திருப்பீடப் பிரதிநிதி பேரருட்திரு Janusz Urbanczyk அவர்கள், OSCE அமைப்பின் 57 உறுப்பினர் நாடுகளும் இப்புதிய ஆண்டு முன்வைக்கும் சவால்களுக்குத் தீர்வு காண்பதில் ஒன்றிணைந்து உழைப்பார்கள் என்ற நம்பிக்கையையும் தெரிவித்தார். போர்கள் மற்றும் மோதல்களின் குரல் தொடர்ந்து ஒலித்துக்கொண்டிருப்பது, காலநிலை மாற்றமும் சுற்றுச்சூழல்களும் சீர்கேடடைந்து வருவது ஆகியவைக் குறித்த கவலையை திருத்தந்தை இவ்வாண்டிற்கான உலக அமைதி தினச் செய்தியில் குறிப்பிட்டுள்ளதையும் சுட்டிக்காட்டினார் பேரருட்திரு Janusz Urbanczyk. மேலும், இம்மாதம் திருப்பீடத்திற்கான பல நாடுகளின் அரசுத் தூதுவர்களுக்குத் திருத்தந்தை வழங்கிய உரையில், இன்றைய பிரச்சனைகளையும் சவால்களையும் எதிர்கொள்வதில் அனைத்துலக அமைப்புகளில் பலன்தரும் செயல்பாடுகள் குறைந்துள்ளன எனவும், கூட்டு மனப்பான்மையைவிட தனியாள் முடிவுகள் முன்னணியில் நிறுத்தப்படுகின்றன எனவும், கவலை வெளியிடப்பட்டதையும் எடுத்துரைத்தார் திருப்பீடப் பிரதிநிதி. மத விடுதலையின் முக்கியத்துவத்தையும் வலியுறுதிப் பேசிய பேரருட்திரு Janusz Urbanczyk அவர்கள், கிறிஸ்தவர்கள், யூதர்கள், இஸ்லாமியர்கள், மற்றும் ஏனைய மதத்தினருக்கு எதிரான பாகுபாட்டு நிலைகளும், மதசகிப்பற்ற தன்மைகளும் அதிகரித்து வருவதைக் கட்டுப்படுத்த OSCE அமைப்பு உரிய நடவடிக்கைகளை மேற்கொள்ளும் என்ற நம்பிக்கையையும் வெளியிட்டார். [2022-01-15 17:09:56]


சிரமங்களை சந்தித்து வரும் பெற்றோர் பாராட்டத்தக்க எடுத்துக்காட்டு

உலகம் எதிர்நோக்கி வரும் பெருந்தொற்று பரவல் காலத்தில், தங்கள் குழந்தைகளை வளர்ப்பதில் பல்வேறு சிரமங்களைச் சந்தித்து வரும் பெற்றோருக்குத் தன் பாராட்டுகளை வெளியிட்டுள்ளார் திருத்தந்தை பிரான்சிஸ். வத்திக்கான் செய்தித்துறைக்கு நேர்முகம் ஒன்றை வழங்கியுள்ள திருத்தந்தை பிரான்சிஸ் அவர்கள், இன்றைய காலக் கட்டத்தில், புனித யோசேப்பு, தந்தையர்களுக்கு வழங்கிவரும் எடுத்துக்காட்டுக் குறித்தும், குழந்தைகளுக்காகத் துயர்களை அனுபவிக்கும் பெற்றோர், பாராட்டத்தக்க எடுத்துக்காட்டுகள் எனவும், தன் கருத்துக்களைப் பகிர்ந்துகொண்டுள்ளார். புனித யோசேப்புக்கென ஓர் ஆண்டை அர்ப்பணித்து, கடந்த மாதம் அதை நிறைவுச் செய்த தனக்கு, துவக்காலத்திலிருந்தே அவர்மீது தனிப்பட்ட பாசம் இருந்தது என்பதையும் எடுத்துரைத்துள்ளார் திருத்தந்தை. புதிய ஏற்பாட்டில் மீட்பு வரலாற்றின் துவக்கத்தில் ஒரு முக்கிய நபராகக் காட்டப்படும் புனித யோசேப்பு, எத்தனையோ தடைகள், பிரச்சனைகள், சித்ரவதைகளை எதிர்நோக்கும் நிலை வந்தபோதிலும், தன் மகனைப் பாதுகாப்பதிலும், வளர்ப்பதிலும், முக்கியக் கவனம் செலுத்தினார் என்ற திருத்தந்தை பிரான்சிஸ் அவர்கள், கனவுகளின் வழி இறைவனின் குரலை இதயத்தில் கேட்க இயன்றதற்கு அவரின் செப வாழ்வே காரணம் என்பதையும் சுட்டிக்காட்டியுள்ளார். கொரோனா பெருந்தொற்றுக் காலத்தில் நமக்குப் புனித யோசேப்பு, இருண்ட காலங்களை எப்படி எதிர்கொள்வது என்பதற்கு உதாரணமாக உள்ளார் என்பதையும், நாளைய தந்தையர்களாக மாறவுள்ள இன்றைய குழந்தைகள், தங்கள் தந்தையர் குறித்தும், தாங்கள் எத்தகைய தந்தையர்களாக மாறவிரும்புகிறோம் என்பது குறித்தும் சிந்திக்க வேண்டும் என்ற அழைப்பையும் விடுத்துள்ளார் திருத்தந்தை. ஒரு தந்தை என்பதில் அன்பு மட்டுமல்ல சுதந்திரமும் அடங்கியுள்ளது என்றுரைத்துள்ள திருத்தந்தை, திருஅவையை ஒரு தாயாக நோக்கி வரும் நாம், அதன் தந்தைக்குரிய பண்பையும் கண்டுகொண்டு, குழந்தைகள் தங்கள் பொறுப்புகளை எதிர்கொள்ளவும், சுதந்திரமுடனும் அன்பாலும் செயல்படவும் உதவவேண்டும் என்ற அழைப்பையும் விடுத்துள்ளார் . இன்றைய பெருந்தொற்றாலும், உள்நாட்டுச் சண்டைகளாலும், துன்பங்களையும் அநீதிகளையும் சந்தித்துவரும் குடும்பங்கள், புனித யோசேப்பை நோக்கி தங்கள் பார்வைகளைத் திருப்பட்டும் என்ற விண்ணப்பத்தை முன்வைத்துள்ள திருத்தந்தை பிரான்சிஸ் அவர்கள், இக்குடும்பங்களோடு தன் அருகாமையைத் தொடர்வதாகவும் அவர்களுக்காகத் தொடர்ந்தது குரல் கொடுக்கவுள்ளதாகவும் இந்நேர்முகத்தில் உறுதி வழங்கியுள்ளார். [2022-01-14 00:16:19]


திருத்தந்தையின் அதிசயிக்கவைத்த திடீர் சந்திப்பு

ஜனவரி 11, செவ்வாய்க்கிழமை பிற்பகல், உரோம் நகரிலுள்ள, Pantheon பகுதியில் உள்ள பழைய ஒலிப்பதிவுக் கடை ஒன்றிற்கு திருத்தந்தை பிரான்சிஸ் அவர்கள் திடீரென சென்றார் என்றும், தான் பேராயராக இருந்த காலத்திலிருந்தே கடையின் உரிமையாளர்களை நன்கு அறிவார் என்றும் வத்திக்கான் செய்தியாளர் ஒருவர் தெரிவித்தார். மாலை ஏறத்தாழ 7 மணியளவில் வந்திறங்கிய திருத்தந்தை பிரான்சிஸ் அவர்கள், அவ்வழியாகச் சென்றவர்களின் கவனத்தை வெகுவாக ஈர்த்தார் என்றும், சமீபத்தில் புதுப்பிக்கப்பட்ட வளாகத்தை திருத்தந்தை ஆசீர்வதித்தத்தோடு, பத்து நிமிடங்கள் அக்கடையின் உள்ளே சுற்றிப் பார்க்க நேரம் ஒதுக்கினார் என்றும், வத்திக்கான் பத்திரிகை அலுவலகத்தின் இயக்குனர் Matteo Bruni அவர்கள் கூறினார். இதற்கிடையில், ஒரு சிறிய கூட்டம் ஒன்று, திருத்தந்தை வெளியேறுவதை தங்கள் ஸ்மார்ட்போன்களுடன் படம்பிடிக்கத் தயாராக இருந்தது என்றும், அவர்களில், முக்கியமாக இளைஞர்கள், திருத்தந்தை எந்த வகையான இசையில் ஆர்வமாக இருப்பார் என்று ஜன்னல்கள் வழியாக அவரை உற்றுப்பார்த்தபடி, திருத்தந்தை பிரான்சிஸ் அவர்கள், அந்தக்கடையின் உரிமையாளர் லெடிசியா, அவரது மருமகன் மற்றும் அவரது மகளை ஆசீர்வதிப்பதையும் பார்த்து ரசித்தனர் என்றும் அங்கே குழுமியிருந்த பொதுமக்கள் தெரிவித்தனர். திருத்தந்தையின் இந்தத் திடீர் சந்திப்பின் இறுதியில், கடையின் உரிமையாளரின் மகள் திருத்தந்தை பிரான்சிஸ் அவர்களுக்கு நீலநிற காகிதத்தில் சுற்றப்பட்ட பாரம்பரிய இசைத்தகடுகளைப் பரிசாக வழங்கினார் என்றும் செய்தியாளர் தெரிவித்தார். கடந்த 2015ம் ஆண்டு செப்டம்பர் 4ம் தேதி பிற்பகல், திருத்தந்தை பிரான்சிஸ் அவர்கள் தனது மூக்குக் கண்ணாடியை மாற்றுவதற்காக, உரோம் நகரின் வரலாற்று மையத்தில் உள்ள ஒரு கடைக்குச் சென்றார் என்பதும், அதன் பின்னர், மீண்டும் 2016 ஆண்டு டிசம்பர் 21 ஆம் தேதி, வத்திக்கான் அருகில் உள்ள கடை ஒன்றிற்குப் புதிய காலணிகள் வாங்கச் சென்றார் என்பதும் குறிப்பிடத்தக்கது. [2022-01-14 00:10:22]


பாலியல் முறைகேடுகளை ஆராய புதிய தன்னாட்சி ஆணையம்

போர்ச்சுக்கல் நாட்டின் கத்தோலிக்க ஆயர் பேரவையானது, தலத்திருஅவையில் பாலியல் முறைகேடுகளை வெளிக்கொண்டுவரும் விதமாகப் புதிய தன்னாட்சி ஆணையம் ஒன்றை நிறுவியுள்ளதாகவும், இது, கடந்த 70 ஆண்டுகளுக்கும் மேலாக, பாதிக்கப்பட்டவர்கள் சார்பாகக் குரல் கொடுக்கும் வகையில் விசாரணையைத் தொடங்கவிருப்பதாகவும் தெரிவித்துள்ளது. 'மௌனத்திற்குக் குரல் கொடுப்பது' என்ற முழக்கத்தின் கீழ் செயல்படவிருக்கும் இப்புதிய ஆணையத்தின் உருவாக்கம், கடந்த நவம்பரில் நடைபெற்ற ஆயர்களின் ஆண்டுக் கூட்டத்தின்போது அறிவிக்கப்பட்டது என்றும், பிரான்சில் உள்ள தலத்திருஅவையில் பாலியல் முறைகேடு தொடர்பான அண்மை அறிக்கையின் காரணமாகவே இப்புதிய ஆணையம் ஏற்படுத்தப்பட்டுள்ளது என்றும், ஆயர் பேரவையின் அறிக்கைக் கூறுகிறது. இந்த அமைப்புக்கு போர்த்துக்கல் ஆயர் பேரவையால் நிதியளிக்கப்படும் என்றும், குடிமைச் சமுதாயத்தில் உள்ள மற்ற தோழமையுணர்வுக் கொண்டோரின் பங்களிப்பும் வரவேற்கப்படுகின்றன என்றும் கூறும் ஆயர் பேரவை, இவ்வமைப்பு பல்வேறு பின்புலம் கொண்ட நிபுணர்களை உள்ளடக்கியிருப்பதுடன், குழந்தை மனநல மருத்துவர் Pedro Strecht அவர்களால் ஒருங்கிணைக்கப்படும் என்றும் தெரிவிக்கிறது. இந்த வாரத்தின் தொடக்கத்தில் லிஸ்பனில் நடைபெற்ற செய்தியாளர் கூட்டத்தில், இவ்வாணையத்தின் உறுப்பினர்கள், அதன் நோக்கம் மற்றும் பணித் திட்டம் ஆகியவைக் குறித்த அனைத்து விடயங்களும் வழங்கப்பட்டன. தலைத்திருஅவையில் இதுவரை எத்தனை பேர் பாலியல் முறைகேடுகளுக்கு ஆளாகியுள்ளனர், அதற்குக் காரணமானவர்கள் யார் யார் என்பது பற்றிய தெளிவான மற்றும் உண்மையுள்ள ஒட்டுமொத்தத் தரவுகளையும் போர்த்துகீசிய ஆயர்கள் பெற விரும்புவதாகவும் ஆயர் பேரவைத் தெரிவிக்கிறது. இந்த பாலியல் முறைகேடுகளால் பாதிக்கப்பட்டுள்ளவர்கள் தைரியமாக முன்வந்து தகவல்களைத் தெரிவிக்கலாம் என்றும், அவைகள் இரகசியமாகப் பாதுகாக்கப்படும் என்றும், இவ்வாணையம் வலுவாக ஊக்குவிக்கும் அதேவேளை, 1950 முதல் 2022 வரையிலான 70 ஆண்டுகளுக்கும் மேலான காலத்தை உள்ளடக்கிய சாட்சியங்கள் இணையத்தில் சேகரிக்கப்படும் என்றும், இதனால் பாதிக்கப்பட்டவர்கள், இத்தன்னாட்சி ஆணையத்துடன் நேருக்குநேர் சந்திக்க முடியும் என்றும் கூறியுள்ளது. [2022-01-14 00:01:38]


இயேசுவை எப்போதும் உற்றுநோக்கி வழிகளை அமைத்துக் கொள்வோம்

ருப்பயணியாக இவ்வுலகில் இருக்கும் மனிதகுலத்திற்கான பணியில், கலந்துரையாடல்களுக்கும் இணைப்புப் பாலங்களுக்கும் உரமூட்டி, அனைவரின் ஈடுபாட்டையும் ஊக்குவிக்கும், புனித பேதுரு மற்றும் பவுல் அமைப்பின் அங்கத்தினர்களுக்குத் தன் நன்றியை வெளியிட்டார் திருத்தந்தை பிரான்சிஸ், புனிதர்கள் பேதுரு மற்றும் பவுல் அமைப்பு துவக்கப்பட்டதன் 50ம் ஆண்டை முன்னிட்டு, அவ்வமைப்பின் அங்கத்தினர்களைத் திருப்பீடத்தில் சந்தித்து உரை வழங்கிய திருத்தந்தை பிரான்சிஸ் அவர்கள், வாழ்வில் எத்தனையோ மோதல்களை நாம் எதிர்கொண்டாலும், வாழ்வின் கலை என்பது, அதில் ஏற்படும் சந்திப்புகள்தான் என எடுத்துரைத்தார். உரோம் நகரின் புனித பேதுரு பெருங்கோவிலில் நுழையும் பயணிகளுக்கு இயேசுவின் இரக்கம் நிறை இன்முகத்துடன், இவ்வமைப்பின் அங்கத்தினர்கள் ஆற்றிவரும் சேவைகளைப் பாராட்டிய திருத்தந்தை, தாங்கள் சந்திக்கும் திருப்பயணிகளுக்கு ஆற்றப்படும் பணிகள்வழி, வாழ்வு சான்றுகளாக விளங்குங்கள் எனக் கேட்டுக்கொண்டார். இந்தப் பெருந்தொற்றுக் காலத்தில், மேலும் மனிதாபிமானத்துடன் செயல்படுவதுக் குறித்தும், இயேசுவை எப்போதும் உற்றுநோக்கி வழிகளை அமைத்துக் கொள்வோம், என்பது குறித்தும், இதயங்களில் நம்பிக்கை, மற்றும் எதிர்நோக்குடன் எப்போதும் செயல்படவேண்டியது குறித்தும் தன் கருத்துக்களை, புனிதர்கள் பேதுரு மற்றும் பவுல் அமைப்பின் அங்கத்தினர்களுடன் பகிர்ந்துகொண்டார் திருத்தந்தை. [2022-01-10 01:22:40]


பக்க இலக்கங்களை அழுத்தி எல்லா செய்திகளையும் பார்வையிடவும்