வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)




எமது இணையத்தள குழுவில் பணிபுரியும் திருமதி.ஜஸ்‌ரீனா வேதநாயகம் அவர்களின் தாயார் திருமதி.கிறிஸ்ரினா றொசற்றா யோசப் அவர்கள் இறைபதம் அடைந்தார்

யேர்மன் தமிழ் கத்தோலிக்க ஆன்மீகப்பணியகத்தின் இணையத்தள குழுவில் இணைந்து பணியாற்றும் திருமதி.ஜஸ்‌ரீனா வேதநாயகம் அவர்களின் தாயார் திருமதி.கிறிஸ்ரினா றொசற்றா யோசப் அவர்கள் 10-05-2018 அன்று இலங்கை, யாழ்ப்பாணத்தில் இறைபதம் அடைந்தார். அன்னார் எமது இணையத்தள குழுவில் பணியாற்றும் திரு.கபிரேயல் வேதநாயகம் அவர்களின் மாமியாரும் ஆவார். அன்னாரின் பூத உடல் 11-13 St. James Road , Gurunagar , Jaffna என்ற முகவரியில் அமைந்துள்ள அன்னாரின் இல்லத்தில் அஞ்சலிக்காக வைக்கப்பட்டுள்ளது. அன்னாரின் இறுதித் திருப்பலி 14-05-2018 அன்று யாழ்ப்பாணம் குருநகர் புனித யாகப்பர் ஆலயத்தில் நடைபெற்று அருகில் உள்ள கல்லறைத்தோட்டத்தில் நல்லடக்கம் செய்யப்படும். [2018-05-12]


பிரேமன் நகரில் இறைத்தியான நற்செய்தி வழிபாடு - 10-05-2018

ஆண்டவர் இயேசு விண்ணேற்றமடைந்த அதே நாளில் ஆண்டவர் இயேசுவின் நற்செய்தியைத் தியானிக்க, ஆன்மீக வாழ்வில் மேலும் வளர, ஆண்டவர் இயேசுவின் பிரசன்னத்தில் நிரம்ப, பிரேமன் நகரில் இறைத்தியான நற்செய்தி வழிபாட்டினை யேர்மன் தமிழ் கத்தோலிக்க பணியகம் ஏற்பாடு செய்துள்ளது.

[2018-04-23]


யேர்மன் தமிழ் கத்தோலிக்க ஆன்மீக பணியகத்தின் தூய ஆவி திருவிழிப்புஆராதனைப்பெருவிழா - 2018

ஆண்டவர் யேசு விண்ணகம் செல்வதற்கு முன் தன்னுடைய சீடர்களுக்கு உங்களுக்கு ஒரு துணையாளரை அனுப்புவேன் என்று வாக்களித்தபடி சீடர்கள் வீட்டில் கூடியிருந்தபோது பெரும் காற்றும் இரைச்சலோடும் நெருப்பு போன்ற பிளவுற்ற நாவுகள் அவர்கள் மேல் வந்து அமர்ந்ததை சீடர்கள் கண்டார்கள்.அவர்கள் அனைவரும் தூய ஆவியால் ஆட்கொள்ளப்பட்டனர் அதே பெந்தகோஸ்து நாளன்று நாமும் ஒன்றிணைந்து தூய ஆவியானவரை வரவேற்று அவருடைய அபிசேகத்தை பெறுவதற்காக யேர்மன் தமிழ் கத்தோலிக்க ஆன்மீக பணியகம் 19-05-2018 அன்று எசன் நகரில் முழு இரவு ஆராதனைப்பெருவிழாவை ஏற்பாடு செய்துள்ளது.இவ் முழு இரவு ஆராதனைப்பெருவிழா மாலை 19.00 மணி முதல் மறு நாள் காலை 5.00 மணி வரை நடைபெறவுள்ளது. [2018-04-14]


2017 ஆம் ஆண்டுக்கான மாதாந்த விவிலிய அறிவுத்தேடல் போட்டியில் பரிசில்களையும் பாராட்டுச் சான்றிதழ்களையும் பெறுவோர் விபரம்.

எமது இணையத்தளத்தில் சென்ற ஆண்டு நாடாத்தப்பட்ட மாதாந்த விவிலிய அறிவுத்தேடல் போட்டிக்கான இறுதி முடிவுகள் வெளியாகியுள்ளன. சென்ற ஆண்டு உலகளாவிய ரீதியில் மொத்தமாக 1251 பேர் கலந்து கொண்டிருந்தனர். இவர்களில் 24 பேர் 100% புள்ளிகளை பெற்று சித்தியடைந்துள்ளனர். போட்டி விதிமுறைகளின் படி இவர்களில் மூவர் குழுக்கல் முறையில் வெற்றியாளர்களாக 17.02.2018 அன்று நடைபெற்ற பணியக நிர்வாகிகளுக்கான ஒன்று கூடலில் தெரிவு செய்யப்பட்டனர். இவர்களுக்கு பரிசில்களும் பாராட்டு சான்றிதழ்களும் அனுப்பி வைக்கப்பட்டன. இவர்களின் விபரங்கள் வருமாறு. [2018-04-14]


ஆன்ஸ்பேர்க் பணித்தளத்தின் தொடர்பாளரின் தந்தை காலமானார்

ஆன்ஸ்பேர்க் பணித்தளத்தின் தொடர்பாளர் திரு.யோய் நேசன் அவர்களின் பாசமிகு தந்தை திரு சந்தியாப்பிள்ளை செபஸ்ரியாம்பிள்ளை அவர்கள்17-03-2018 சனிக்கிழைமை அன்று இறைவனடி சேர்ந்தார்.இவர் கனடா நாட்டில் வசித்து வந்தார்.இவரது நல்லடக்கம் 20-03-2018 செவ்வாய்கிழமை அன்று கனடா நாட்டில் இடம் பெற்றது. இவரது பிரிவால் துயருறும் குடும்பத்தாருக்கும் உற்றார் உறவினர் நண்பர்களுக்கும் யேர்மன் தமிழ் கத்தோலிக்க ஆன்மீக பணியகம் ஆழ்ந்த அனுதாபங்களை தெரிவித்துக்கொள்வதோடு இவரது ஆன்ம இளைப்பாற்றிக்காக இறைவனை வேண்டி நிற்கின்றது. [2018-03-19]


புனித வார வழிபாட்டு நிரல் - 2018

வழமை போலவே யேர்மன் தமிழ் கத்தோலிக்க ஆன்மீகப்பணியகம் புனித வார வழிபாடுகளை, யேர்மனியின் அநேக பணித்தளங்களில் ஏற்பாடு செய்துள்ளது. இவ் வழிபாடுகளில் கலந்து கொண்டு ஆண்டவர் இயேசுவின் ஆசீரை பெறுமாறு அன்புடன் வேண்டுகின்றோம்.


[2018-03-19]


வூப்பெற்றால் பணித்தள சந்திப்பு

வூப்பெற்றால் தூய ஆவியானவர் பணித்தள மக்களை கேளின் மறைமாவட்ட பிறமொழிகளுக்கான குருமுதல்வர்(Bischofsvicar)Monsignore Dr.Markus Hoffmann மற்றும் பிற மொழிகளுக்கான பேச்சாளர் Herr.Markus-J.Heeg சந்தித்து கலந்துரையாடினார்கள். இந்நிகழ்வானது 04-03-2018 ஞாயிறு அன்று எமது கலாச்சார முறைப்படி பிரதம விருந்தினர்கள் வரவேற்கப்பட்டு அதனைத்தொடர்ந்து எமது பணியக இயக்குனருடன் இணைந்த கூட்டுத்திருப்பலியும் நிறைவேற்றப்பட்டது. திருப்பலியின் நிறைவில் பிரதம விருந்தினர்கள் பணித்தள மக்களை ஆலய மண்டபத்தில் சந்தித்து கலந்துரையாடினார்கள்.இந்த கலந்துரையாடலின்போது பணித்தள மக்களின் பல வகையான கேள்விகளுக்கு பதிலளிக்கப்பட்டது. [2018-03-19]


பத்திரிசியார் கல்லூரி பழைய மாணவர் ஒன்றியம், யேர்மனி

யாழ். புனித பத்திரிசியார் கல்லூரியின் பழைய மாணவர்களுக்கான ஒன்றியத்தை அமைக்கும் நோக்குடன் 17.03.18 அன்று டோட்முண்ட் நகரில் ஒன்றுகூடவுள்ளார்கள். அன்றைய நாளில் மாலை 5:00 மணிக்கு, அக்கல்லூரியின் பழைய மாணவர்கள் அனைவரையும், திரித்துவ ஆலயத்துக்கு வரும்படி அழைக்கின்றார்கள். முதலில் திருப்பலியும், அதைத் தொடர்ந்து கூட்டமும் நடைபெறும். கீழ்க்காணும் முகவரியில் உள்ள ஆலயத் துக்கு வந்து கலந்து கொள்ளும் வண்ணம் பழைய மாணவர்கள் அனைவரையும் கேட்டுக் கொள்ளப்படுகின்றார்கள். [2018-03-16]


நேவிகஸ் திருத்தலம் நோக்கிய திருயாத்திரை 25-03 2018

கடந்த 20 வருடங்களிற்கு மேலாக யேர்மன் தமிழ் கத்தோலிக்க ஆன்மீக பணியகத்தினால் முன்னெடுக்கப்படும் தவக்கால தியானமும் குருத்தோலை ஞாயிறு திருப்பலியும் இவ்வருடமும் நேவிகஸ் திருத்தலத்தில் 25-03-2018அன்று நடை பெறவுள்ளது. அனைவரையும் இந்த தியானத்திலும் குருத்தோலை ஞாயிறு திருப்பலியிலும் கலந்து கொண்டு ஆண்டவரின் ஆசிர்வாதத்தை பெற்றுச்செல்லும்படி யேர்மன் தமிழ் கத்தோலிக்க ஆன்மீக பணியகம் அன்போடு அழைக்கின்றது. [2018-03-06]


எமது இணையத்தள குழுவில் பணிபுரியும் அருட்பணி.டொனால்ட் அவர்களின் தாயார் திருமதி.ஆரோக்கிய மேரி இறைபதம் அடைந்தார்.


யேர்மன் தமிழ் கத்தோலிக்க ஆன்மீகப்பணியகத்தின் இணையத்தள குழுவில் இணைந்து பணியாற்றும் கும்பகோணம் மறைமாவட்ட(தமிழகம்)த்தை சேர்ந்த அருட்பணி.டொனால்ட் அடிகளாரின் தாயார் திருமதி.ஆரோக்கிய மேரி அவர்கள் 01-03-2018 அன்று தனது 83 வது வயதில் இறைபதம் சேர்ந்தார். அன்னார் எமது இணையத்தள குழுவில் பணியாற்றும் சகோதரன் அந்தோனி சாமியின் அம்மம்மாவும் ஆவார். அன்னாரின் குடும்பத்தினர்களுக்கு யேர்மன் தமிழ் கத்தோலிக்க ஆன்மீகப்பணியகம் தனது அனுதாபங்களை செபங்களுடன் தெரிவித்து கொள்கின்றது. திருமதி.ஆரோக்கிய மேரி அவர்கள் ஆண்டவர் இயேசுவின் பிரசன்னத்தில் நித்திய பேரின்ப வீட்டில் இளைப்பாறுவாராக. [2018-03-01]


தவக்கால நோன்புத் தியானம் - 24-02-2018

14.02.2018 அன்று சாம்பல் புதனுடன் தவக்காலம் மீண்டும் ஆரம்பிக்கின்றது. ஆண்டவர் இயேசுவின் பாடுகள் மரணம் உயிர்ப்பை சிறப்பாக ஆழ்ந்து சிந்தித்து, ஆண்டவர் இயேசுவுடனான எமது உறவை மேலும் ஒருபடி வளர்க்க, அன்னையாம் திருச்சபை எம்மை அழைக்கிறது. எமது ஆன்மீக வாழ்வை மேலும் ஒருபடி முன்னேற்ற, எமது பணியகம் இம்முறை தவக்கால தபசுத் தியானத்தை ஏற்பாடு செய்துள்ளது. இத்தபசு தியானம் வரும் 24.02.2018 சனிக்கிழமை காலை 11:00 மணி முதல் மாலை 18:00 வரை Haltern am See என்ற இடத்தில் St.Anna Kappelle, Annaberg 35, 45721 Haltern am See என்னும் முகவரியில் நடைபெறவுள்ளது. இத்தபசுத் தியானத்தில் கலந்து ஆண்டவர் இயேசுவின் பிரசன்னத்தில் வளர அன்போடு அழைக்கின்றோம். [2018-01-17]