25 ஆண்டுகளாக தொலைதூரம் தாண்டித் தொடரும் எம் பயணம்

தொடுவானம், இது ஒரு நம்பிக்கையின் தொடர். வானம் வசப்படும் என்பது போல, இன்னும் கொஞ்சம் நடந்தால், அதை அடைய முடியும் என்ற நம்பிக்கையின் தொடர். குறிக்கோள் இல்லாமல் வாழ்பவர்கள், அவ்விடத்திலேயே முடங்கி விடுகின்றனர். இயங்குதல் வாழ்தல், முடங்குதல் மரணம்.... எனவே, தொடுவானம் நோக்கி.. இலக்கு நோக்கி.. நடக்க வேண்டும். அதற்கு எல்லையே கிடையாது. நடவுங்கள்.... தொடர்ந்து நடவுங்கள்.... அடைய வேண்டிய இலக்குத் தொலைவில் உள்ளது. தொலைவானம் என்பது ஒரு தோற்றம் தான். அதன் எல்லையை வகுத்துக் கொண்டு செல்லும் போது, படிப்படியாக இலக்கை அடைகின்றோம். ஆனால், அதன் இலக்கு விரிந்து கொண்டு செல்கிறது. ஏன் என்றால், எம் வாழ்வுக் காலத்தின் பக்கங்கள் ஒரு நாளும் தீர்வதில்லை.

1994 ஆவணித் திங்கள் தொடங்கிய தொடுவானத்தின் இலக்கு நோக்கிய பயணம், பணியக ஊடகத்துறையின் முதல் பாகம் தான். இரண்டாம் பாகம், 2011ஆம் ஆண்டு, தமிழ் கத்தலிக் டெயிலி இணையத்தளம் அடுத்த பாகம். 2018ஆம் ஆண்டு, தமிழ் கத்தலிக் டெயிலி றேடியோ, இணைய வழி வானொலி. இவ்வாறு வானம் வசப்படும் வரை, ஒவ்வொரு இலக்காக எட்டும் போது அதன் எல்லைகள் விரிந்து கொண்டே செல்கின்றன.
காலத்தின் அறிகுறிகளை ஊடுருவிப் பார்த்து, மானிடர் கற்றுக் கொள்ள வேண்டும். அதற்கேற்ப வாழ்வை அமைத்து கொள்ள வேண்டும் என்பது இயேசுவின் விருப்பமாகும், என மத்தேயு 16:3 கூறுகிறது.

தொடுவானம் தொடக் காத்திருந்தோம்

நிழல்படங்கள்